Kronikë amerikane nr.258 – 11 janar 2013
Pacers janë në formën më të mirë të sezonit. Ata kanë ngushtuar epërsinë e kreut të Konferencës Lindore duke mposhtur dy skuadrat lidere brenda 3 ditëve. Pasi mposhtën Miamin, ata mbrëmë ishin më të mirë edhe se New Yorku. Seria prej 13-0 në çerekun e katërt, ku Paul George kontribuoi me 7 nga 25 pikët e tij të mbrëmjes. George pati edhe 11 kërcime, ndërsa qendra Ian Mahinmi ishte i vetmi nga pjesa tjetër e skuadrës që pati pikë dyshifrore duke shënuar 13 pikë. Tek Knicks të cilët luajtën pa Carmelo Anthonyn e suspenduar, rezervisti JR Smith pati 25 pikë, derisa Tyson Chandler mbylli ndeshjen me 12 pikë e 15 kërcime. Anthony ishte i suspenduar pas kacafytjes me Kevin Garnettin të hënën. Indiana po kalon formë të shkëlqyeshme përkundër mungesës së njërit nga figurat qendrore të skuadrës, alo-fundorit Danny Granger. Megjithatë ata kanë shënuar 12 fitore në 15 ndeshjet e fundit, përfshirë edhe mposhtjen e Miamit dhe New Yorkut.
Në anën tjetër Miami pësoi humbjen e dytë radhazi. Ata u mposhtën na Portland si pasojë e treshes së Wesley Matthews 26.9 sekonda para fundit. Trail Blazers shënoi fitoren e katërt radhazi dhe të 12tën në 15 ndeshjet e fundit. Francezi Nicolas Batum pati 28 pikë e 7 kërcime, ndërsa LaMarcus Aldridge shtoi 20 pikë e 15 kërcime. Tek Miami Chris Bosh pati 29 pikë, ndërsa LeBron James mbylli ndeshjen me 15 pikë të shënuara duke mbyllu serinë prej 54 ndeshjeve radhazi me së paku 20 pikë të shënuara. Shifra prej 15 pikëve të shënuara nga James ishte më e ulta në 76 ndeshjet e fundit përfshirë përfundimtaret. Ai shtoi edhe 10 kërcime e 9 asistime.
Mavs patën nevojë për kohë shtesë për të mposhtur Kings-at të cilët sipas të gjitha gjasave do të zhvendosen në Seattle nëse Mallofët shesin skuadrën në bisedime që po zhvillohen këto ditë. OJ Mayo shënoi 24 pikë dhe 10 kërcime, ndërsa Vince Carter si rezervist shtoi me 23 pikë për të shkrirë disavantazhin prej 17 pikëve ndaj Kings. Faulli flagrant i qendrës së Sacramentos, Demarcus Cousins ishte pika kthyese në rrjedhën e ndeshjes. Cousins mbylli ndeshjen me 29 pikë dhe 9 kërcime para se të godiste me bërryl veteranin Vince Carter. Tyreke Ewans pati 20 pikë, ndërsa Isaiah Thomas shtoi 18 pikë në humbjen e tretë radhazi të Sacramentos.
Rezultatet dhe renditjet
NBA
Indiana – New York 81-76
Sacramento – Dallas 112-117 OT
Portland – Miami 92-901
Renditja NBA
Konferenca Lindore
Miami 23-11
New York 23-12
Indiana` 22-14
Atlanta 20-14
Chicago 19-14
Brooklyn 20-15
Milwaukee 18-16
Boston 18-17
Philadelphia 15-22
Toronto 13-22
Detroit 13-23
Orlando 12-23
Charlotte 9-25
Cleveland 9-28
Washington 5-28
Konferenca Perëndimore
LA Clippers 28-8
Oklahoma City 27-8
San Antonio 28-10
Memphis 23-10
Golden State 22-12
Houston 21-15
Portland 20-15
Denver 21-16
Minnesota 16-16
Utah 19-18
LA Lakers 15-20
Dallas 14-23
Sacramento 13-23
Phoenix 12-25
New Orleans 10-25
No comments:
Post a Comment