Nr. 286 – Rodgersat

NFL

Aaron Rodgers bëri mrekulli! Nuk është në formën më të mirë të viteve të fundit, dhe për çudi nuk është i lënduar në këtë kohë të vitit. Por, ndoshta mungesa e Jordy Nelsonit po e bën të veten tek Packers.

Lions kanë talent. U duk edhe mbrëmë. Kur Stafford të jetë në qejf, bashkë me Megatronin dinë të jenë fatal. Por, fati ishte në anën e Rodgersit dhe Packers. Ndoshta ai touchdown ‘hail mairy’ mund të jetë ajo shtytja emocionale për ti kthyer në një skuadër konkurruese këtë vit.

Sidoqoftë ishte një ndër finishet më të mira që kam parë në NFL.

NHL

Habs pa Price nuk e kanë të lehtë. Condon ishte rrënuar disa ditë më parë, por mbrëmë ishte mirë. Skuadra nuk funksionoi në sulm. Kanë mundur të shënojnë më tepër, por edhe Holtby ishte në qejf.

Stars ishin shumë të mirë ndaj Canucks. Kundërsulme të frytshme dhe mbrojtje e rreptë – recetë për të fituar.

NBA

Magic edhe një herë mposhtën Jazz. Të shënosh 100 pikë kundër Jazz do të thotë fitore. Testimi i parë pa Gobert ishte negativ. Francezi bën mirë mos të mbetet gjatë jashtë. Alternativat në trapez nuk garantojnë sukses në mbrojtje.

Në sulm, mbrëmë ishin mirë me treshe dhe gjuajtje nga perimetri. Nuk mbeti kush pa shënuar, por ajo çfarë vlen në fund, fitorja shkoi tek Orlando që nuk është hera e parë që mposht Jazz.

Për lakmi janë Spurs. Duket se Grizzlies janë vjetruar si skuadër. Zach dhe Gasol lehtë ndalen nga kundërshtarët, perimetri nuk është prej më të mirëve. Në anën tjetër Spurs edhe me treshen e vjetre po arrin të gjejnë produktivitet. Minuta të mirë për rezervat në fund.

Nr. 285 – MLB përfundimtaret: Parashikim

Sonte, pak me vonesë nis tetori i nxehtë në MLB. Dy pyetje qëndrojnë para nesh në këto ditët e para të përfundimtareve, sa larg do të shkojnë Cubs dhe Astros. Sa do të zgjas magjia e tyre?

Që të dyja mund të eliminohen që sonte e nesër dhe të bëjnë një përfundimtare më pak eksituese. Por, do të doja që së paku njëra të vazhdoj edhe për seritë më të gjata.

Përballja ndërmjet Keuchel dhe Tanakas do të jetë interesante sonte tek Astros dhe Yankees. Këta të dytët kanë epërsinë e terrenit vendas, por Houston nuk mund të bëhet merak për këtë gjë. Derisa në hedhje do të jenë mirë të mbuluar, pres që vendimtare të jetë bullpeni dhe sulmi.

Nesër shikuesit mund të luajnë rol më të madh në Pittsburgh. Për më tepër është edhe një rivalitet divizional dhe kthimi i Cubs në përfundimtare është një ndodhi interesante. Kjo vlente për Pirates para disa viteve, por tashti janë stabilizuar si një skuadër e denjë për pëfundimtare në divizionin më të vështirë në ligë. Gerrit Cole dhe Jake Arrieta do të japin një shfaqje interesante, besoj. Më shumë më intereson se si do të hedh Arrieta. Për sulm asnjëra nuk mund të ankohet.

World Series

Toronto në ligën Amerikane me Royals do të duhet të kenë një luftë të ngushtë për finalen e madhe. Pres një përballje të ngushtë të këtyre dyjave në finale. Texas ka probleme në vazhdueshmëri, derisa Royals janë tashmë të mësuar me tetorin.

Në ligën Kombëtare Cardinals janë favoritët kryesor. Por, përballja me rivalët dimenzional mund tu shkaktoj kokëçarje. Mezi pres përballjen ndërmjet Mets dhe Dodgers. Që të dyja kanë ekipe mirë të komponuara si në goditje, ashtu edhe në hedhje. Do të dëshiroja të shihja fituesin e NL nga kjo përballje. Por, mbetet të shihet.

Kronikë Amerikane nr. 284 – Hallakama në Qendër

MLB

Tetori gjithnjë sjell ngazëllim në bejsboll. Kësaj radhe është kufizuar në një divizion të vetëm, por ky kufizim nuk humb asgjë në cilësi. Tri humbje të Texas ngushtojnë dallimin e tyre me Houston dhe LA Angels për dy pozitat e fundit në përfundimtare. Me një seri të mirë në këtë luftë mund të përzihet edhe Minnesota në luftë për WC e fundit.

Angels udhëtojnë në Texas, derisa Houston mund ta ketë pak më lehtë në Arizona. Do të jetë interesante ta shohim këtë luftë në MLB derisa të tjerat luftojnë për pozitat më të mira dhe epërsinë e terrenit vendas.

Hallakamë është edhe tek Nationals. Harper dhe Pappelbon nuk i kanë punët mirë. Nëse duhet të zgjedhin ndërmjet këtyre dyve, zgjedhja është e qartë – Harper gjithnjë.

NFL

Aaron Rodgers është në formën e jetës. Vetëm mos të lëndohet edhe Packers i kemi në finale, edhe pse NFC është tepër e fortë këtë vit. James Jones po zëvendëson për merak Jordy Nelsonin e lënduar. E hiq keq nuk është rikthimi në formë i James Starks.

Dwight Lowery na shpëtoi neve Colts të dielën. Rikthimi në çerekun e katërt është tipike për Andrew Luck. Ama edhe mbrojtja sikur ishte krejt tjetër përkundër mungesave. Dorsett ishte i mahnitshëm gjithashtu, derisa pres të ringjallet Andre Johnson.

Dallas pa Romon do të ketë probleme. Freeman ishte shumë i mirë për Atlantan, ngjashëm si Randle për Cowboys. Peterson po mban Vikings në lojë. Sproles dhe Matthews patën të diele të mirë për Eagles që me mëritë mposhtën Jets. Fitzpatrick kurrë s’do të jetë QB i mirë.

Fitore interesante e Oakland. Derek Carr është më i vyeshëm se McGown e Manziel së bashku. Seattle pati punt-kthime të bukura kundër Bears të cilët nuk meritojnë asgjë më shumë se që arritën atë dite. Greg Olsen i është kthyer Carolinas me formën e tij.

Peyton Manning pati njërën ndër ndeshjet më të mira të sezonit. Me këtë nismë mund të vazhdoj deri në SuperBowl. Gronkowski si zakonisht në formë për Pats kundër Jaguars të cilën e mbrojtën bajagi mirë.

S’di si do të mbijetojnë Steelers pa Big Benin. Vick? Një javë, asgjë më shumë. Mallett dhe Wilson patën ndeshje të mirë kundër njëri tjetrit, Dalton si asnjëherë më parë përkundër mbrojtjes të shkëlqyeshme të Ravens. Cardinals e kanë përnjëmend këtë sezon. Miami nuk ishte kërkah. Giants merituan të mposhtin Redskin edhe më bindshëm.

Kronikë Amerikane nr. 283 – NBA Drafti 2015: Përmbledhje

1 – Karl-Anthony Towns (T-Wolves)

Pa befasi! Do të jetë interesante të shohim Timberwolves pas disa viteve. Wiggins, Bennett, LaVine, talenti është, nevojitet vetëm fati dhe shëndeti.

2 – D’Angelo Russell (Lakers)

Pra, paska edhe të tillë që po mund të kalojnë mbi Jalil Okafor! Përzgjedhja e Russell tregon për drejtimin që do të marrin Lakers në Free Agency – një qendër apo një alo-qendër do të zhvendoset në Perëndim për para të mëdha. Gjithashtu Russell është një alternativë e mirë për organizator për periudhë post-Kobe. Është edhe fat i madh për Russell që do të ketë mentor Koben e madh. Mund të ketë karrierë të begatshme.

3 – Jahlil Okafor (76ers)

Kjo po që ishte pak befasi. Kjo do të thotë që Noel është në ‘trade block’. E vërtetë që Embiid mungon edhe sezonin e ardhshëm, por tre qendra që vijnë nga Top 6 draft. Sidoqoftë, Philadelphia ka siguruar trapezin për disa vite, sidomos në fazën e sulmit.

4 – Kristaps Porzingis (Knicks)

E kuptoj reagimin e fansave të Knicks. Si fans i Jazz nuk kam histori të mirë me Enesin të cilin e konsideroja si pasardhës të Memo-s.

Por, letonezi është i ri dhe mund të dëshmoj të veten në të ardhmen. Mosha e tij, koha e ardhjes në NBA mund ta bëj të veten, mund të ndikoj negativisht. Mbetet të shihet.

5 – Mario Hezonja (Magic)

Paramendojeni një dyshe Oladipo – Hezonja. Kroati është lojtar shumë më teknik, shuter i fortë, i kompletuar për fundor. Tek Barcelona ka treguar talentin e tij, tani vetëm nevojitet konvertimi i talentit të tij për tu përshtatur me lojën në NBA.

6 – Willie Cauley-Stein (Kings)

Ardhja e Cauley-Stein nuk do të thotë medoemos largimin e Cousins. Më parë do të largohej Karl se sa Cousins, mendoj. Cauley-Stein i nevojitet trapezit të Kings, sidomos për shkak të moshës. Nuk kanë pasur fat viteve të fundit me Draft, por ndoshta mund të ndryshoj tani.

7 – Emmanuel Mudiay (Nuggets)

8 – Stanley Johnson (Pistons)

9 – Frank Kaminsky III (Hornets)

Dreqi ta hajë! Vërtetë e doja atë tek Jazz. Shpresoj të bëjmë ndonjë trade, edhe çuditshëm qysh zgjedhin qendër kur ju nevojitet perimetër.

10 – Justice Winslow (Heat)

Nuk kam pritur të shkoj kaq vonë. Ka qenë si lider i perimetrit për Duke tek titulli i fundit. Ka talent dhe mund të mësoj shumëçka nga Wade.

11 – Myles Turner (Pacers)

Me Westin në largim, dhe Hibbertin larg formës, marrja e një qendre nuk ishte e befasishme. Por, edhe unë si shumica prisja dikë nga fundorët. Për shumëkënd, mbetet befasi.

12 – Trey Lyles (Jazz)

Na duhet edhe dikush në 4sh. Mund të jetë i gatshëm kur Booker të largohet, dhe pastaj të funksionoj si rezervë e Favous e Gobert.

13 – Devin Booker (Suns)

Kronikë Amerikane nr. 282 – Rombi

Për shkak të një sezoni katastrofik të Brewers, A’s dhe Red Sox, këtë vit MLB ka mbet në plan të dytë për mua. Megjithatë këputja e kësaj lidhjeje ka qenë e pamundur pa marr parasysh faktin e posapermendur. Bejsbolli ofron kënaqësi që jo shumë veta i shijojnë. Shkurtimi i kohëzgjatjes ka qenë ndër objektivat primare në stërvitjet pranverore, por, duhet kohë për të arritur në 2 orë e gjysmë. Dhe sigurisht më pak kapitalizëm!

Ajo çfarë mund të përmbledhim dy muaj para fillimit të përfundimtareve është se Royals janë më të qëndrueshmit. Ata ende arrijnë të ruajnë kompozimin e vitit të kaluar dhe për momentin i shoh si favoritët kryesor për të shkuar deri në World Series. Kjo ndihmohet për faktin që Tigers kanë probleme në dhe jashtë fushës që u pa më së miri në ndeshjen e fundit. Royals janë ekip me plotë kuptimin e fjalës dhe kjo ndihmon, gjithmonë.

Liga Amerikane do të ofroj paqartësi deri në fund. Blue Jays me transferimet e para dhe gjatë sezonit kanë bërë punë të mirë. Me Tulon, katërshja e epërme është dominuese në ligë. Yankees nuk besoj që do të arrijnë të mbijetojnë për përfundimtare. Kryesisht për shkak të formës së Angels, të cilët nëse nuk arrijnë pozitën e parë në Perëndim, atëherë do të jenë të katërtit/të parët në WC.

Por, befasia e stinorit janë Astros. Me Scott Kazmirin dhe Carlos Gomezin kanë bërë një ekip rivale për përfundimtare. Kanë talente dhe një salary-cap normal. Mund ti quajmë edhe Oaklandin e dytë.

Dhe befasitë nuk kanë të ndalur. Mets! Dhe në çfarë kohe Mets shfaqen, për ti dhuruar Jon Stewartit një vjeshtë relaksuese dhe të kënaqshme. Është mirë që nuk hoqën dorë nga Wheeler për Gomezin. E vërtetë që kanë një rotacion të mahnitshëm për momentin të udhëhequr me talente si deGrom e Harvey dhe veteran si Colon. Por, Wheeler nuk është për tu hedhur poshtë.

Është mëkat që edhe Nats gjenden në të njëjtin divizion me Mets. Do të doja një finale në Ligën Kombëtare ndërmjet këtyre dyjave. Por, në momentin që e kujtoj këtë më shfaqen Dodgers e Giants.

Të dyja janë skuadra që meritojnë të jenë në finale këtë vit. Janë ekipe të mrekullueshme që po tregojnë lojëra të shkëlqyeshme. Janë të udhëhequra nga hedhës mjeshtëror – Kershaw dhe Bumgartner.

Në Qendër nuk do të ndalem. Brewersat e mi pa hequr Doug Melvinin nuk kanë për të parë suksese. Befasi e mirë janë Cubs që akoma kanë shpresa për tetor. Cards si gjithnjë janë aty ku nuk do ti doja.

Sidoqoftë, gushti dhe shtatori premtojnë një MLB të hatashme. 

Kronikë Amerikane nr. 281 – Perimetri i finaleve

Me lëndimin e Dwight Howard mund të themi me të sigurt që finalistët e këtij edicioni nëpër konferenca do të përcaktohen nga loja e perimetrit. Asnjëri nuk ka trapez të fortë, dyshe siç ishte për shembull rasti i Clippers. Të gjitha e kanë nga një qendër dhe një 4sh që zakonisht më shumë preferon perimetrin se sa trapezin. Fakti që të gjithë finalistët kanë qenë në Top 5 skuadrat me më së shumti treshe të shënuara gjatë stinorit, vetëm sa e nxit këtë qëndrim. Sidoqoftë, kjo u dëshmua në dy ndeshjet e para finale

Warriors - Rockets

Kjo përballje më shumë është edhe një duel i drejtpërdrejtë për MVP-në e vërtetë të këtij viti. Curry duhet të dëshmoj që e meriton këtë çmim, ngjashëm si Harden që duhet të dëshmoj se e ka merituar këtë çmim. Curry shënoi më shumë pikë, dhe 6 treshe, por Harden ishte vetëm një asistim lart TD. Houston pati një epërsi të cilën e humbi për shkak të vendimeve të gabuara taktike – dërgimin e topit tek Jason Terry i plakur i cili me dy treshe në çerekun e dytë do të krijonte një epërsi +20. Fakti që Ariza dhe sidomos Smith kanë gjetur një formë të shkëlqyeshme i jep shpresa Rockets, shpresa që veniten me të madhe në lëndimin e D12.

Bogut kaloi vetëm 16 minuta në lojë pa asnjë pikë. Ezeli pati 11 minuta dhe 6 pikë. Warrios luajtën pa qendër klasike. Green e Barnes po bëjnë punë të mirë në 4 dhe 5, duke i krijuar hapësirë më të madhe Thompsonit dhe Curryt. Tre të parët të gjithë patën pikë dyshifrore, ndihmuar edhe nga Livingston. Mbrojtja në perimetër ishte shumë domethënëse për vendasit, si dhe pozicionimi në mbrojtje.

Duket se do të jetë një seri e gjatë, por pikëpyetja më e madhe është që nëse nuk mund të fitojnë Rockets me Hardenin e triple-double dhe me Howardin për tre çerekë, kur mund të fitojnë?

Hawks – Cavaliers

JR Smith ishte diferenca. Dhe performanca e tij në ndeshjen e parë vetëm sa zgjeroi plagët e Knicks pas debaklit në Draft Lottery. Tetë treshe dhe 28 pikë në total ishin më shumë se që do të prisnim nga Smith. Thjesht qëllonte nga kudo, sikur të ishte Kyle Korver. 3shi i Atlantës pati vetëm 2 treshe, me dy tjera të ardhura nga Carroll e Teague. 27 pikët e këtij të fundit nuk ishin të mjaftueshme, sidomos pas performancës tmerruese të Carroll i cili pati vetëm 5 pikë – 12 më pak se mesatarja e tij në përfundimtare këtë sezon.

Dellavadova nuk pati asnjë pikë, dhe vetëm tri asistime, duke mbetur në hije të Smith. Vetëm tre rezerva angazhoi Blatt. James pati bajagi pikë, mirëpo edhe ngutej në disa raste. Kjo shihet me faktin se pati nën 50% precizitet. Por, jo vetëm perimetri ishte në nivel tek mysafirët. Mozgov dhe Thompson patën 21 kërcime, 24 pikë dhe 12 asistime së bashku duke qenë shumë më të mirë se Horford e Millsap. Dyshja e trapezit të Atlantës pati 14 kërcime, 29 pikë dhe 5 asistime. Po me Love?

Cavs shfaqën dobësitë e Hawks si ekip dhe mungesën e lojës në perimetër, precizitetit më saktë. Kam frikë se kjo seri mund të përfundoj shumë shpejt, por edhe nuk besoj që Smith mund të prodhoj të njëjtin efikasitet çdo ndeshje. 

Kronikë Amerikane nr. 280 – Kthimi i PG

Kronikë Amerikane nr. 280 – Kthimi i PG (e hënë, 6 prill 2015)

NBA

Njëri nga lojtarët më të mirë në ligë, Paul George për herë të parë këtë sezon u shfaq në parket. 13 pikë nuk janë kushedi çfarë kontributi, por prania e tij në terren, pos për bashkëlojtarët është edhe një shenjë pozitive për fansat e përgjithshëm të basketbollit. Rose po vuan lëndimin me vite, Durantin e kemi humbur për një kohë të gjatë, Bryant ngjashëm dy vite po ka probleme, Nash u pensionua për të njëjtën arsye, derisa Griffin kohë pas kohe po mbetet jashtë. Është një periudhë brengosëse.

Sidoqoftë, kthimi i PG është një shenjë e mirë dhe një shtytje shtesë për Indianan për të provuar përfundimtaret. Jo që do të ketë ndonjë titull apo sukses, por thjesht një periudhë më e gjatë rehabilitimi me lojën për George. Ndërkohë Heat besoj që do të mbeten në përfundimtare. Tani që përmenda Heat, mu kujtua edhe rasti i Bosh i cili për shkaqe shëndetësore është jashtë këtë sezon.

Në OK kishim përbllajen ndërmjet dy favoritëve për MVP. Hardeni i shënoi 41 pikë dhe fitoren, derisa Russell duhet të kënaqet me TD, por edhe të brengoset që do të mbeten jashtë përfundimtareve. Qyshdoqoftë kjo periudhë pa Durant e ka kalitur Westbrookun në lider të ekipit duke i siguruar edhe shumë vite në OKC.

Fitorja e Cleveland ndaj Chicagos vetëm se rikonfirmon se si do të jetë rezultati i përfundimtareve në Lindje.

Derisa humbja e Warriors nga San Antonio na tregon se sa të rrezikshëm janë Spurs me të ardhur pranvera. Përkundër pozitës në renditje, Spurs për mua mbeten ndër favoritët kryesor në Perëndim.

MLB

Ngjashëm siç qëndronte pjesa përballë bazës në ‘Wrigley’s Field’, ashtu pritet të jetë ky sezon i Cubs – në rindërtim. Por, një hap më afër përfundimit do të jetë ky sezon. Cardinals si zakonisht mbetet ndër më të mirët në ligë, por punët nuk janë keq në NL Central. Nuk besoj që do të mbeten dominues sikur para disa viteve.

Është një ndjenjë e mirë që më në fund është kthyer bejsbolli. Vërtetë ka qenë një periudhë jo e mirë për fansat e sporteve amerikane, sidomos që nga përfundimi i NFL.

NHL

Lëndimi i Paciorettyt vetëm sa do të lëndoj ecurinë e Canadiens. Kanë humbur shumë ndeshje palidhje javën e kaluar duke rënë mbrapa Rangers, kundër të cilëve epërsia e terrenit vendas është thelbësore. Por, Montreal duhet ti frikësohet Tampa Bay të cilët i kanë mposhtur çdo ndeshje sivjet. Do të jetë e çuditshme po mbetën ndonjëri nga Boston e Detroit jashtë përfundimtareve. Pittsburgh më duken më të sigurt. 

Kronikë Amerikane nr. 279 – PostSuperBowl

Më është nevojitur kohë, nejse jo kaq shumë për të tajitur vendimin e Pete Carroll për të mos depërtuar, por pasuar në më pak se një jard larg vijës fundore. Është padyshim vendimi më i marrë ndonjëherë në SuperBowl!!! I pafalshëm.

Në përgjithësi ishte një ndeshje e mirë, ndër më të mirat që kam parë prej kur përcjelli drejtpërdrejtë SuperBowl. Gjithashtu prisja që Bellichik do të lëshonte një TD të lehtë, sikur kundër Giants-ave herën e fundit. Por, ky vendim duket të jetë më i mençur.

Tashti na pret një pas-sezonë e gjatë, shumë gjëra për tu qartësuar, nisur nga Deflategate dhe teoritë e fundit të çmendura; e ardhmja e dy depërtuesve më të mirë të viteve të fundit Peterson dhe Rice; dhe mundësinë që Los Angeles të bëj tri ekipe nga asnjë sa ka tani.

Dhe deri në shtator do të kemi këtë SuperBowl për të mbajtur në mend. E pos ndeshjes, e mrekullueshme ishte edhe shfaqja ndërmjet pjesëve me të mahnitshmen Katy Perry. Si përfundim, SuperBowl ndeshja më e mirë që mbaj në mend në këtë dekadën e fundit.

Ndërkohë, kthehemi me MLB dhe pranverat e NHL e NBA.  

Kronikë Amerikane nr. 278 – SuperBowl XLIX preview

Shumë peripeci na kanë ndjekur pas finaleve të konferencave në lidhje me Patriots. Gjithashtu është nevojitur kohë e gjatë për të tajitur atë që ndodhi në Seattle. Kur të kujtojmë këto dy fakte na kthehen dyshimet nëse këto dy ekipe janë me mëritë aty ku janë.

Seattle fitoi lojën e humbur të Packers. Ishte lojtari i 12të i vendasve – shikuesit që kontribuuan mjaftueshëm në aspektin psikik të mysafirëve, dhe fati i Wilson i cili rrezikonte seriozisht Andy Dalton për rejtingun më të ultë të dekadës së fundit.

Në Foxborough edhe një herë doli në pah kultura mashtruese, hajdute e Patriots dhe treshes së tyre – Kraft, Belichick, dhe Brady. Nuk di ku e kanë parë nevojën që të shfryjnë topat kundër Colts-ave të cilët i kanë dominuar vazhdimisht këto katër viteve të fundit. Por, shfryrja kundër Ravens është ajo që na rifreskon kujtesën për të njollosur edhe një herë e përgjithmonë Patriots. Mund të jenë ndoshta dinasti e 15 viteve të fundit, por gjithnjë do të kenë njollat e shumta, gjithnjë do të jetë i pranishëm ai * tek sukseset e tyre.

Deflategate

Shumë gjëra kanë dal në pah që veçse janë ditur, miqësia e Kraft me Goodell, që e bën atë si nënkomisioner, kultura e tyre vjedhëse, dhe mbi të gjitha gënjeshtrat e pastra si loti të Bradyt në konferencën e parë të tij për shtyp. Tani hetimet përqendrohen tek kujdestari i topave. Nëse dikush provon të na bind që një kujdestar i thjeshtë kryenëveti ka shfry topat, duhet të jetë një qeveritar i yni që provon të shes pallavra që vetëm një pjesë e popullit tonë do ti hanin. Krejt kjo punë është e orkestruar, të gjithë kanë ditur për këtë, edhe pse Belichik dukej bindëse në konferencën e parë. E tani Kraft kërkon ti kërkohet ndjesë Patriots – ekipit që ka spiunuara të tjerët. Të lutem!

SuperBowl XLIX

Do të jetë ndeshje e ngushtë. Çdo SuperBowl i Patriots ka përfunduar me më pak se 10 pikë diferencë, qoftë pozitive apo negative. Së paku e dimë që topat do të jenë të kontrolluar. Fitorja e Patriots ndaj Colts është më e lehtë se ndaj Bills, apo edhe Jaguars. Belichik do ta çmend Paganon, i cili nuk e ka idenë si të ndal Pats. Nuk duhet të merret parasysh ajo fitore për të favorizuar Pats. Kundër Ravens kanë vuajtur, dhe mund të vuajnë përsëri kundër Seattle, ngjashëm.

Por, edhe Seattle nuk është në formën më të mirë. Kundër Packers ishin fatlum. Mbrojtja e tyre ishte e mirë me Panthers, mirëpo ata ishin Panthers. Divizioni i tyre ka qenë katastrofal këtë vit, dhe nuk kanë pasur ku të matin forcat siç duhet.

Është e pamundur të veçoj njërën apo tjetrën si favoirt. Kjo e bën ndeshjen më interesante. Të dyja ekipet kanë rikthyer rezultatin në pjesët e dyta këtë vit, dhe atë në përfundimtare, prandaj nuk mund të rehatohen nëse marrin një epërsi 14+ pikëshe në pjesën e parë.

Pres një ndeshje të baraspeshuar, interesante, ku do të kemi një sulm të mirë kundër një mbrojtje të mirë, dhe një sulm mesatar kundër një mbrojtjeje mesatare. Pra, aksionet e Pats besoj që do të jenë më interesante.

Seahawks janë zgjedhja ime. Zgjedhja më e merituar, më morale për një unazë shtesë.

Luan Morina

Kronikë Amerikane nr. 277 – Finalet

Seahawks – Packers

Kampionët aktual kanë formë të mirë në ndeshjet e fundit, megjithatë vetëm shikoni emrat e ekipeve që kanë mposhtur në javët e fundit. Asnjëri nuk ka qenë ekip i denjë për ti shkaktuar probleme. Tani, radha është për kockën e parë të vështirë – Packers.

Packers janë të dobësuar me shëndetin e Rodgers. Por, nëse arrin linja ofanzive të ngadalësojnë mbrojtjen ballore të Seahawks, duke i mundësuar Rodgers pasime më të lehtë nga xhepi, atëherë mund të kenë shans të mirë. Gjithashtu duhet të aktivizohet edhe Lacy, i cili nuk ka dëshpëruar javëve të fundit. Megjithatë sekondarja e Seahawks është treguar e fuqishme kundër Panthers, si zakonisht. Panthers kanë pasur edhe një mbrojtje të mirë, por akoma ishin të papërgatitur dhe vinin nga divizioni më i dobët në ligë.

Seahawks edhe njëherë do të bazohen në mbrojtjen. Nuk besoj që do ta kenë lehtë si në fillim të sezonit. Kanë humbur Percy Harvin, por kanë fundor ofanziv të mirë, Willson për shembull, e edhe Lynch nuk është larg forme. Janë favorit për shumë arsye, megjithatë unë do të shkoj me Packers nga kjo finale.

Patriots – Colts

Punë e kryer. Patriots kalojnë për shumë arsye. Mund të urrejmë Bellchikun për gjithë historinë e tij kontroverse, por javën e kaluar kundër Ravens u pa aftësia e tij. Nuk mund të kontestojmë se është një nga mendjet më të mira në ligë, në mos më e mira. Edhe Tom Brady duket i nxehur, i inatosur, gjë që mund vetëm të konvertohet në rezultat pozitiv.

Colts mposhtën Broncos dhe Manningun, por 18shi nuk ishte në formë dhe plotësisht i shëndetshëm javëve të fundit. Sulmi depërtues është katastrofal, derisa mbuylimi i TY Hilton do të detyron Luck të provoj pasime të shkurtra tek fundorët ofanziv dhe Nicks ndoshta. Wayne është plakur, Moncrief është i ri. Mbrojtja nuk është e zoja për të ndalur Bradyn dhe kompaninë. Sidomos nëse aktivizohet Gray apo Blount, të dy emra terrorizues për Colts vitin e kaluar. Patriots presin Packers në SuperBowl.

Kronikë Amerikane nr. 276 – Fundi i Manning-Brady?

Para se të vazhdojmë me parashikimin e ndeshjeve divizionale të përfundimtarëve të hedhim një sy mbrapa

Pse humbën?

Bengals – Papjekuria dhe mungesat në sulm ishin fajtor kryesor për mungesën e fitores në përfundimtare për Cincinnatin tashmë dy dekada e gjysmë. Mund të fajësojmë trajnerin që kurrë nuk ka fituar në përfundimtare, mund të fajësojmë Daltonin, mund të fajësojmë fatin. Por, thjesht Colts u treguan më të mirë, edhe pse jo dominues sikur në pjesën e rregullt të sezonit. Dalton u tregua më i pjekur se sa dy herët e kaluara në përfundimtare, por përsëri është i mbipaguar.

Steelers – Mungesa e Bell ishte fajtori kryesor për humbjen e Steelers. Por, kanë pasur shumë alternativa tjera për të fituar, ama zor të mposhtet ajo mbrojtje e Ravens. Antonio Brown ishte për mrekulli i mbuluar, derisa linja ofanzive nuk mund ti përballonte asaj defanzive të Ravens.

Cardinals – Mungesa e Kuarterbekut ishte faji kryesor. Por, as Carson Palmer nuk më mbush sy për 

këta Cardinals që kanë një mbrojtje sekondare të shkëlqyeshme. Bruce Arians po bën mrekulli me këtë ekip tashmë dy vjet, dhe me një draft të mirë ndoshta mund të rikthehen në përfundimtare vitin e ardhshëm.

Lions – Referët! Thjesht referët ishin fajtorët kryesor pse Lions janë jashtë sot, por edhe Lions kanë mundur të bëjnë më shumë. I kanë pasur të gjitha kushtet, por thjesht nuk ia dolën. Pa Suh mund ta kenë më të vështirë, por jo të pamundur të kthehen në përfundimtare vitin e ardhshëm, sidomos kur kemi parasysh Bears dhe Vikings dhe dobësitë e tyre.

Pse do të fitojnë?

Patriots - Ravens

Ka më shumë se tre muaj që mediat nuk kanë shqyrtuar mundësinë e Patriots për humbje. Por, kujtimet për Ravens dhe mbrojtjen e tyre nuk janë të venitura. Të gjithë e dimë cilësinë e linjës defanzive, por sekondarja dhe aftësia e tyre për të mbuluar Brownin javën e kaluar të tmerrojnë. Patriots do të duhej të përqendrohen në Tom Bradyn dhe aftësitë e tij për të bërë mrekullia. Do të preferoja Ravens para Patriots, gjithnjë me shpresën që Colts do të mposhtin Broncos. Një gjë e tillë do të ishte dhe fundi për epokën e Bradyt dhe Manningut. Sidomos ky i fundit, lojtari im i preferuar i të gjitha kohërave duket se ka kaluar moti kohë zenitin dhe është në rënie të lirë.

Broncos – Colts

Dështimet kundër mbrojtjes së Ravens dhe në Superbowlin e kaluar më bëjnë të shqyrtoj në aftësitë aktuale të Manning. Mbrojtja e Broncos gjatë tërë sezonit ka qenë nën pritjet, përkundër nënshkrimeve në Free Agency. Julius Thomas nuk është në formën e vitit të kaluar, nuk kanë lojë depërtuese. Në anën tjetër Colts kanë qenë katastrofik në pjesën e dytë të sezonit. Mbrojtja është më e mirë se vitin e kaluar, por nuk janë akoma të pjekur për të arritur më shumë. Luck mund të bart ekipin si asnjë tjetër kuarterbek në ligë për momentin pos Aaron Rodgers. Por, nganjëherë duhet më shumë se Luck. Wayne është plakur, TY Hilton disi e lëshon topin gjithnjë në përfundimtare, derisa depërtimi është joekzistent. Do të doja të fitonin Colts, por megjithatë besoj që do të shohim edhe një finale të fundit ndërmjet Brady dhe Manning në AFC. Edhe pse ky duel më ka filluar të bëhet bajat. Pra, zgjedhja përfundimtare (me dëshirën për të qenë i gabuar) janë Patriots dhe Broncos.

Packers – Cowboys

Green Bay pa Aaron Rodgers do ta ketë të vështirë. Edhe pse është pothuajse e sigurt paraqitja e tij, nëse nuk është në formën më të mirë, do të ketë nevojë për ndihmën e mbrojtjes. Kushtet për sulm janë të gjitha, Cobb, Nelson, dhe Eddie Lacy. Ky i fundit duhet të jap performancën e karrierës për ti mundësuar Packers fitoren ndaj Cowboys.

E Dallas ishte afër përsëritjes së historisë në përfundimtare. Ngjashëm si Packers, edhe Cowboys kanë të gjitha parakushtet për fitore, plus referat.

Do të jetë interesante të shohim se kush do të humb serinë perfekte të fitoreve si vendas – Packers, dhe të fitoreve si mysafirë – Cowboys. Unë shkoj me Packers.

Seahawks – Panthers

Seahawks fitojnë, thjeshtë dhe pastër. Cam Newton nuk është gati, dhe kurrë nuk do të jetë të mposht një ekip si Seattle në një stadium si të tyrin. Seahawks në finale të NFC.

Pak filozofi...

Nëse fitojnë këto që parashikova unë, do të kemi finale të shkëlqyeshme, nëse jo, atëherë në finale kam Ravens – Cowboys. Si? Nëse dikush do të mposhtet këtë javë nga ato që i zgjodha si fitues (Patriots, Broncos, Packers, Seahawks), atëherë gjasat më të mëdha janë që Ravens dhe Cowboys do të dalin fitues në duelet e tyre. Ravens kundër Broncos janë më të mirë, falë mbrojtjes, derisa Cowboys nuk i kanë frikën Seahawks. Kështu që Superbowl del të jetë Ravens – Cowboys, një ndeshje për të cilën s’do të prishja gjumin :D 

Kronikë Amerikane nr. 275 - Para NFL Wild Card fundjavës

Kronikë Amerikane nr. 275

Para NFL Wild Card fundjavës

Panthers vs Cardinals

Edhe po të kishin Carson Palmer, nuk besoj që do të sillte Lombardin në Arizona për Cardinals, por sigurisht do të ishte më ndryshe se nga ai që kanë tani, kuarterbekun emrin e të cilit as nuk e kam mësuar përmendsh. Cardinals nuk e kanë edhe depërtimin e mirë, derisa nëse nuk ke kuarterbek të suksesshme nuk mund të bazohesh shumë as në pranim. Më vjen shumë keq për Arians, pasi sikur vitin e kaluar edhe sivjet, Arizona Cardinals bazohen kryesisht tek mençuria e trajnerit, i cili meriton edhe këtë vit shpërblimin për më të mirin, por përfundimtaret do të duhet të përfundonin qysh në rrethi ne parë. Vetëm mbrojtja nuk mjafton.

E nëse mbrojtja e Carolina Panthers do të hedh një hap para, të kthehet në formën e vitit të kaluar, kjo ndeshje mund të përfundoj qysh në çerekun e parë. Cam Newton do ta ketë vështirë kundër mbrojtjes së Cardinals, dhe nëse kap ritmin, atëherë nuk do ta ketë të vështirë të dominoj kundër një ekipi pa sulm. Panthers kanë edhe depërtimin e mirë me tre emra me përvojë në NFL.

Përzgjedhja ime - Panthers

Steelers vs Ravens

Ndeshje shumë më interesant pres në përballjen e rivalëve të Veriut në AFC. Pittsburgh kanë përparësi me Ben Roethlisberger dhe Antonio Brown e pakapshëm. Sekondarja e Ravens është inekzistente, derisa edhe Flacco ka qenë i përgjumur për pjesën më të madhe të sezonit. Pittsburgh kanë treguar dhëmbët si vendas dhe kanë gjetur një formë të mirë në pjesën e dytë të sezonit.

Mungesa e Bell mund të jetë hendikep i madh për vendasit, por kanë Brown, dhe një mbrojtje solide. Linja defanzive e Ravens është plusi më i madh që mund të kenë në këtë përballje, por s’do të mjaftoj për kalim në rrethin e dytë të përfundimtareve.

Përzgjedhja ime – Steelers

Colts vs Bengals

Pas nisjes së tmerrshme, por jo të papritur kundër Denver dhe Philadelphia, Colts-at e mi e kishin gjetur veten, para se ta humbnin përsëri, si zakonisht kundër Patriots.

Lëndimi i Bradshaw nuk është i vetmi fajtor për formën e dobët në pjesën e dytë të sezonit. Luck bën shumë gabime, dhe nga një formë MVP ka rënë në një kuarterbek mesatar në javët e fundit, Herron shfrytëzohet më shumë se T-Rich në depërtim, derisa nëse mbrojtja mbulon TY Hilton, Colts kanë mbaruar. Wayne është plakur, Nicks nuk shfrytëzohet sa duhet, derisa Moncrief akoma është i papërvojë. Mbrojtja, sidomos sekondarja është treguar shumë më e mirë se vitin e kaluar, por kanë pësuar disa debakle këtë sezon, sidomos ndaj ekipeve konkurrente në përfundimtare.

Rrethi i parë mund të jetë i kalueshëm për shkak se Bengals kanë humbur ndeshjen e sezonit të rregullt, dhe atë pa asnjë pikë të shënuar. Nëse mbrojtja arrin ti jap hapësirë Luck, dhe nëse ky nuk nis ndeshjen me 3andOut në dy-tri posedimet e para, Colts kanë shanse. Por, pastaj i presin ose Broncos, ose Patriots (personalisht do të preferoja Patriots), që do të thoshte eliminim.

Në anën tjetër Dalton duhet të dëshmoj veten se meriton të gjithë ato para. Bengals janë në formën më të mirë të viteve të fundit. Kanë ofanzivë të mirë, dhe defanzivë solide. Ju duhet të tregojnë veten në ‘Lucas Oil’ për të dëshmuar se janë të pjekur për përfunidmtare.

Përzgjedhja ime – Colts

Cowboys vs Lions

Ndeshja më e mirë rrethit të parë, për mendimin tim. Shumica i shohin Cowboys gati për fitore në përfundimtare, dhe pse jo edhe Superbowl. Parakushtet janë – Romo nuk po bën gabime amatoreske, nuk po ngulfatet në çerekun e katërt, DeMarco Murray ka formën e karrierës, derisa edhe Dez Bryant është ndër më të mirët në pranim.

Do të jetë interesante të shohim se si do të mund mbrojtja e Lions të mbuloj Bryant-in. Por, mos të harrojmë që shumë lehtë edhe Witten edhe Williams mund të shfaqen në skenë. Edhe linja defanzive e Lions nuk është për tu nënçmuar, sidomos me largimin e dënimit të Suh.

Stafford është shndërruar në një pasues të pjekur viteve të fundit. Sivjet pos Calvin Johnson – Megatronit, ka edhe Golden Tate. Edhe depërtimi me Bush e Bell nuk është i keq. Caldwell ka bërë një revolucion tek këta Lions, të cilët mund ti shkaktoj kokëçarje Cowboys-ave.

Edhe Dallas Cowboys kanë mbrojtje të mirë. E nëse e fitojnë këtë ndeshje atëherë pres të shkojnë deri në fund, së paku në NFC. Janë ekipi i vetëm që mund të mposht Seattle si mysafir, e pse jo edhe Packers-at e Rodgers.

Përzgjedhja ime – Cowboys (edhe pse zemra më shkon me Lions)