Fillon futbolli amerikan!

Kronikë amerikane – 12 gusht 2011

NFL

Shumë peripeci, diskutime, fajësime e shumë gjëra të ngjashme kanë ndodhur gjatë 5 muajve të kaluar për të shijuar futbollin e mbrëmshëm. Edhe pse është vetëm para-stinori stadiumet dhe shikuesit ishin të etur për futboll. Shumë gjëra do të sqarohen si, zgjedhja e liderëve, kuarterbekëve (çerekmbrojtësve) në shumë skuadra, përshtatja e transferimeve të reja, përgatitja e tyre fizike gjatë kampeve të shkurtra në krahasim me vitet e kaluara etj.

“Skuadra e ëndrrave” e Philadelphia Eagles filloi para-stinorin me fitore ndaj Baltimore Ravens. Michael Vick pati 4 nga 7 hedhje të suksesshme përfshirë edhe një touchdown tek Celek. Çerekmbrojtësi (QB) rezervë Kafka pati 13 pasime të sakta përfshirë 132 jarde. Edhe tek Ravens QB rezervë ishte më i suksesshëm se startuesi, Taylor pati 19 pasime me 179 jarde por edhe 2 ndërprerje. Ndeshja përfundoi 13-6 për Eagles, skuadër për të cilën debutoi edhe qendërmbrojtësi Nnadmi Asomugha.

Tek Denver gjithçka ka të bëj me QB-të. Horton, Tebow, Quinn, asgjë nuk është sqaruar akoma edhe pse Horton akoma është lideri, por mbrëmë nuk pati shumë suksese kundër Dallas Cowboys. Ish-zgjedhja e parë në draft Tim Tebow pati 6 nga 7 pasime të suksesshme me 91 jarde. Quinn, që për momentin është QB i tretë në skuadër pati 120 jarde, 1 TD, dhe 8-14 në pasime. Tek vendasit startuesi Tony Romo pati bilan 3-5në pasime me 33 jarde, por ishte rezervisti McGee që përmbysi rezultatin 15 sekonda para fundit nga 16-23, me një pasim për TD dhe konvertim 2pikësh, në 24-23 për të bërë më interesante këtë parasezonë.

Tek Patriots kishte shumë ngazëllim për dyshen Brady-Ochocinco, por trajneri nuk vendosi ti fus në lojë ata mbrëmë. Megjithatë kjo nuk u pengoi vendasve të fitojnë 47-12 kundër Jacksonville Jaguars. Hoyer pati 15 pasime dhe 171 jard, ndërsa Mallet kishte 12 pasime e 164 jard. Të dy shënuan nga një TD. Të suksesshëm ishin edhe mbrojtësit depërtues të Pats, Ridley që pati 16 jard depërtim, 64 pranim, 2 TD, dhe një TD të pranuar. Medlin pati 14 jard depërtim, 54 pranim dhe gjithashtu 2 TD. Tek mysafirët kureshtja ishte tek QB debutues Blaine Gabbert i cili e filloi për mrekulli lojën, por duke kaluar koha filloi të ndalej nga mbrojtja vendase. Në fund ai pati 9 pasime për 85 jard, ndërsa QB tjetër Bouman pati vetëm 2 nga 10 pasime të suksesshme, 35 jard, dhe një ndërprerje. Fansat e New England duhet të presin një ditë tjetër për të parë më shumë aksion nga dyshja e tyre Tom Brady – Chad Ochocinco.

MLB

Curtis Granderson arriti në 32 home-run këtë sezone, përfshirë serinë prej 4 home-run në ndeshjet e fundit kundër Los Angeles Angels. New York Yankees fituan ndeshjen 6-5. Robinson Cano pati grand-slam për Yankees për të ngritur epërsinë në 6-2, por hedhësi zëvendësues Mariano Rivera edhe njëherë shfaqi formën e tij jo të mirë duke lejuar mysafirët për tri pikë në iningun e parafundit. Është hera e tretë në karrierë që ai lejon 3 home-run në 3 ndeshje radhazi. Për më tepër ishte fushori i majtë Gardner që shpëtoi Yankeet nga barazimi i rezultatin në iningun e fundit kur kapi një top në territorin e gabuar në anën e majtë.

Tigers dhe Indians vazhdojnë të luftojnë për pozitën e parë në AL Qendër. Justin Verlander hodhi 7 iningje për të shënuar fitoren e 17 këtë sezone që e bën hedhësin më të mirë në MLB, dhe njëri nga kandidatët kryesor për shpërblimin CY Young për hedhësin më të mirë. Ai lejoi vetëm 3 goditje dhe 3 pikë, duke shënuar edhe 10 strikeout. Për Verlander kjo fitore pati edhe një rëndësi shtesë pasi ishte fitorja e 100 në karrierën e tij. Tek mysafirët Santana goditi vetëm një herë, dhe atë për home-run e 18 këtë sezone. Me këtë fitore Detroit vazhdon të mbetet në krye të dizionit qendror në Ligën Amerikane, 3 ndeshje para Cleveland.

Golf

Tiger Woods nuk ka fituar asgjë nga viti 2008. Që nga atëherë ka qenë “ferr” i tmerrshëm për legjendën e golfit. Të enjten, në ditën e parë të PGA Championship, turneu major i fundit për këtë vit, ai pati 77 goditje duke përfunduar në +7 prej par. Ai nisi ditën shkëlqyeshëm por 9 vrimat e dyta ishin rënie e lirë për Woods. Ai pati 4 birdie, 5 bogey, dhe 3 double bogey dhe padyshim do të ketë problem të siguroj pjesëmarrjen në fundjavë edhe pse ndoshta rezultati +2 mund ti ndihmonte pasi shumica e pjesëmarrësve të njohur nuk kishin ditë kushedi sa të suksesshme. Adam Scott pati -1, Luke Donald  dhe Rory McIlroy përfunduan në parë, ndërsa Phil Mickelson u rendit i 36ti me +1. Në krye pas ditës së parë pa asnjë bogey gjendet Steve Stricker me -7.

Kronikë Amerikane përgatitet nga Luan Morina

Rezultatet dhe Renditjet

NFL

Oakland – Arizona 18-24

Dallas – Denver 24-23

San Diego – Seattle 17-24

New England – Jacksonville 47-12

Philadelphia – Baltimore 13-6

MLB

Tampa Bay – Kansas City 4-1

NY Mets – San Diego 2-3

Cincinnati – Colorado 2-1

Toronto – Oakland 3-10

NY Yankees – LA Angels 6-5

Baltimore – Chicago White Sox 3-6

Cleveland – Detroit 3-4

St. Louis – Milwaukee 5-2

Arizona – Houston 8-5 F/10

Golf

1. Steve Stricker     -7

2. Jerry Kelly           -5

3. Anders Hansen   -3

-. Shaun Michael     -3

-. Scott Verplank     -3

“Çorap-kuqët” rikthehen në krye

Kronikë amerikane – 08 gusht 2011

MLB

Boston Red Sox arritën të mposhtin New York Yankees në ndeshjen e tretë finale të serisë së kësaj jave për të ruajtur kaluar të vetëm në pozitën e parë. Ishte i nevojshëm edhe një ining shtesë për të pritur goditjen e Josh Reddick i cili me një RBI arriti të shënoj pikën e fitore, 3-2. Ndeshja që zgjati 4 orë e gjysmë u karakterizua me shumë më pak pikë se ajo e të shtunës kur Boston fitoi 10-4. Yankees kaluan në epërsi në iningun e shtatë pas homerit të Brett Gardner. Vendasit barazuan rezultatin në iningun e fundit kur Dani Pedroia goditi një sakrificë ajrore për ti mundësuar Marco Scutaros të shënoj.

Një derbi tjetër i së dielës ishte edhe përballja ndërmjet liderëve të divizionit Lindor dhe Perëndimore në Ligën Kombëtare, ku kampionët aktual, San Francisco Giants prisnin liderët e Ligës, Philadelphia Phillies. Mysafirët patën mundësinë të “fshijnë” vendasit pas tri fitoreve të shënuara në ditët e kaluara, por Tim Lincecum lejoi vetëm një pikë duke përmirësuar bilancin e tij në 10 fitore këtë sezone kundrejt 9 humbjeve, përkundër problemeve me gjurin e djathtë. Mysafirët kaluan në epërsi me anë të goditjes së Chase Utley në iningun e tretë, por në tre iningjet vijuese vendasit shënuan nga një pikë me anë të goditjes njëshe të Stewart dhe dy sakrificave ajrore me radhë të Cabreras në inigun e pestë dhe Keppingerit në iningun e gjashtë.

NBA

Sipas raporteve të mediave skuadra e NBA-së, Atlanta Hawks dhe arena e tyre e Philips Arena do ti shiten një biznesmeni nga Kalifornia, Alex Meruelo. Shifrat nuk janë bërë publike akoma, ndërsa Meruelo do të ketë kontroll në skuadër me 50% të aksioneve. Ai është pronar i lokaleve të picave, La Pizza Loca që ka mbi 50 franshiza dhe restorante në Kaliforninë Jugore. Ai do të bëhet pronari i parë hispanik i ndonjë skuadre NBA.

Grupi që kishte aksionet më të mëdha tek Hawks deri tani, më herët kishte shitur edhe skuadrën e hokejit mbi akull Atlanta Thrashers të cilët u shpërngulën në Winnipeg. Transaksioni kishte vlerë prej 170 milionë dollarëve.

Skuadra do të vazhdoj të mbetet në Atlanta përkundër pronarëve të rinj nga Kalifornia Jugore.

Përçarjet në lidershipin e Hawks kishin filluar qysh në vitin 2005 kur njëri nga pronarët, Steve Belkin kundërshtonte blerjen e Joe Johnson nga Phoenix për Boris Diaw, dy zgjedhje drafti dhe 4.9 milionë dollarë. Mosmarrëveshja ndërmjet bordit u zgjidh në dhjetor të vitit të kaluar kur pronarët e tanishëm, Michael Gearon Jr. dhe Bruce Levenson blen 30% të Belkin.

Golf

Adam Scott ka fituar turneun WGC (World Golfing Championships) Bridgestone që njihet edhe si kampionati botëror në golf, dhe fillimi i serisë FedEx Tour. Turneu që mbledh vetëm më të mirët nga bota e golfit, këtë javë solli plot emocione, ndër të cilat ishte edhe debutimi i caddiet (ndihmësit) Steve Williams i cili këtë javë ishte pranë Adam Scott pasi javë më parë ishte dëbuar nga legjenda e golfit, Tiger Woods. Kjo ishte ndër storiet më të përfolura gjatë fundjavës, derisa Adam Scott që nga e enjtja ishte në krye të listës. Në anën tjetër Tiger Woods pati paraqitje solide, por shumë poshtë pritjeve duke mbetur goditje mbi par, +1. Ai në ditën e parë ishte dy goditje nën kufi, por ditët në vazhdim nuk arriti të vazhdoj të përmirësohet por mbeti në zonën e ngjashme.

Edhe Adam Scott pati një debutim të shkëlqyeshëm, duke goditur -8. Të premten ai mbeti në par, por ruajti lidershipin, për tu rikthyer në fundjavë me një përformancë prej 9 nën par, që vendosi rezultatin përfundimtar në -17.

Luke Donald ndau pozitën e dytë me Rickie Fowler, derisa Ryo Ishikawa dështoi në vrimën e fundit duke goditur bogie që e zhvendosi në pozitën e katërt të cilën e ndau me australianin tjetër Jason Day.

Kronikë Amerikane përgatitet nga Luan Morina

Rezultatet dhe Renditjet

Golf – WGC Bridgestone

1. Adam Scott           -17  Australi

2. Luke Donald          -13  Angli

-  Rickie Fowler          -13  SHBA

4. Jason Day              -12  Australi

-  Ro Ishikawa           -12  Japoni

MLB

Houston – Milwaukee 3-7

NY Mets – Atlanta 5-6

Baltimore – Toronto 2-7

Pittsburgh – San Diego 3-7

Tampa Bay – Oakland 4-5 F/10

Kansas City – Detroit 4-3

Minnesota – Chicago White Sox 0-7

Chicago Cubs – Cincinnati 7-8

Florida – St. Louis 4-8

Colorado – Washington 2-3

LA Angels – Seattle

San Francisco – Philadelphia 3-1

Arizona – LA Dodgers 4-3

Boston – NY Yankees 3-2 F/10

Texas – Cleveland 5-3

MLB
LIGA AMERIKANE
Ndeshje Fitore Humbje Përqindja
Divizioni Lindor
1 Boston 113 70 43 0.619
2 NY Yankees 113 69 44 0.611
3 Tampa Bay 113 59 54 0.522
4 Toronto 114 58 56 0.509
5 Baltimore 111 44 67 0.396

Divizioni Qendror
1 Detroit 114 61 53 0.535
2 Cleveland 112 56 56 0.500
3 Chicago White Sox 113 55 58 0.487
4 Minnesota 114 51 63 0.447
5 Kansas City 114 49 65 0.430

Divizioni Perëndimor
1 Texas 115 64 51 0.557
2 LA Angels 115 63 52 0.548
3 Oakland 114 51 63 0.447
4 Seattle 113 49 64 0.434


LIGA KOMBËTARE
Ndeshje Fitore Humbje Përqindja
Divizioni Lindor
1 Philadelphia 114 74 40 0.649
2 Atlanta 115 66 49 0.574
3 NY Mets 113 56 57 0.496
4 Florida 114 55 59 0.482
5 Washington 114 55 59 0.482

Divizioni Qendror
1 Milwaukee 115 65 50 0.565
2 St. Louis 115 62 53 0.539
3 Cincinnati 114 55 59 0.482
4 Pittsburgh 113 54 59 0.478
5 Chicago Cubs 115 49 66 0.426
6 Houston 114 37 77 0.325

Divizioni Perëndimor
1 San Francisco 115 63 52 0.548
2 Arizona 114 62 52 0.544
3 Colorado 115 53 62 0.461
4 LA Dodgers 113 52 61 0.460
5 San Diego 115 51 64 0.443