Knicks e lënë për fund, Lakers u kthehen humbjeve!

Kronikë amerikane nr.252 – 27 dhjetor 2012

NBA

Dy kosha të JR Smith në 10.6 sekondat sollën fitoren e radhës tek New York Knicks. Mysafirët nga Nju Jorku u paraqitën pa dy startuesit e tyre, Carmelo Anthony dhe Raymond Felton, por megjithatë u mbajtën për të fituar në fund ndaj Phoenix, 99-97. Pos Smith me dy koshat vendimtar në fund dhe 27 pikëve të tij, tek Knicks në formë ishte edhe veterani Jason Kidd me 23 pikë, ndërsa qendra Tyson Chandler pati 14 pikë dhe 12 kërcime. Tek vendasit Jared Dudley pati rekord karriere me 36 pikë, duke shënuar edhe dy gjuajtjet e lira të cilat kaluan Suns në epërsi 97-95, 34.5 sekonda para fundit, ndërsa Marcin Gortat pati 13 pikë e 9 kërcime.

Në anën tjetër Lakers pësuan humbjen e parë pas pesë fitoreve duke u mposhtur nga Denver Nuggets, 126-114. Kobe Bryant arriti në 40 pikë të shënuara, por mesa duket sa herë që Kobe është në qejf, Lakers pësojnë. Ishte hera e 116të që Bryant kalon 40 pikë pasi kishte mbi 30 pikë të shënuara në 10 ndeshje radhazi. Gasol pati 19, Nash 15 ndërsa Howard shtoi 13 pikë të cilat nuk mjaftuan në fund për Lakers. Tek vendasit Corey Brewer barazoi rekordin e karrierës me 27 pikë të shënuara, Danilo Galinari shënoi 19, ndërsa performancë të jashtëzakonshme pati Kenneth Faried me 21 pikë e 15 kërcime, dhe Ty Lawson me 17 pikë e 14 asistime. Andre Iguodala shtoi 17 pikë për fitoren e shtatë radhazi të Nuggets të cilët në Krishtlindje u mposhtën nga skuadra tjetër e Los Angeles, Clippers.

James Harden u zgjua në fund të ndeshjes duke shënuar 30 pikë për fitoren e pestë radhazi të Houston. Rockets fituan në Minnesota me rezultat 87-84, derisa Harden shënoi 17 pikë në fund të ndeshjes si dhe koshin që kaloi mysafirët në epërsi me rezultat 85-84, 39 sekonda para fundit. Imer Asik shtoi 9 pikë e 17 kërcime, ndërsa Wolves pësuan humbjen e parë pas tri fitoreve radhazi të cilat erdhën me së paku 22 pikë epërsi. JJ Barea ishte më i miri tek vendasit me 18 pikë, ndërsa Alexey Shved pati 16 pikë.

San Antonio ndali hovin e Torontos pas pesë fitoreve të shënuara. Spurs fituan me rezultat 100-80, me Tim Duncan që pati 15 pikë, Ginobili kontribuoi me 14 pikë, ndërsa Parker pati 13 pikë. Tek Raptors të cilët patën serinë më të suksesshme në tri vitet e fundit me pesë fitore, Amir Johnson pati 12 pikë të shënuara, aq sa pati edhe Alan Anderson.

Miami shënoi fitoren e 20të të sezonit duke mposhtur Bobcats që janë në rënie të lirë. MVP aktual, LeBron James pati 27 pikë e 12 kërcime në fitoren 105-92. Wade shtoi 29 pikë e 9 kërcime, ndërsa mario Chalmers pati 17 pikë. Tek Charlotte të cilët pësuan humbjen e 16të radhazi, pllejmejkeri Kemba Walker shënoi 27 pikë.

Atlanta pati nevojë për dy kohë shtesë për të mposhtur Detroitin. Rezultati përfundimtar ishte 126-119, ndërsa Josh Smith pati 31 pikë e 10 kërcime. Hawks patën epërsi prej 22 pikëve të cilën e humbën falë udhëheqjes së Charlie Villanuevas dhe dhe Will Bynumit të cilët shënuan 26 nga 39 pikët e Detroitit në çerekun e fundit. Bynum mbylli ndeshjen me 31 pikë, derisa Stuckey dhe Drummond mbyllën ndeshjen me nga 16 pikë.

Rezultatet dhe renditjet

NBA

Utah – Golden State 83-94

Washington – Cleveland 84-87

Charlotte – Miami 92-105

Orlando – New Orleans 94-97

Atlanta – Detroit 126-119 2OT

Milwaukee – Brooklyn 108-93

Memphis – Philadelphia 89-99

Minnesota – Houston 84-87

San Antonio – Toronto 100-80

Denver – LA Lakers 126-114

Phoenix – New York 97-99

Portland – Sacramento 109-91

Indiana – Chicago u shty

Heat si kampion, fitojnë edhe Los Angeles-at!

Kronikë amerikane nr.251 – 26 dhjetor 2012

NBA

Me Steve Nash të kthyer në pozitën e pllejmejkerit pas lëndimit, dhe me Pau Gasol në krah të Dwight Howard, Lakers po fillojnë të duken si skuadra të cilën të gjithë e njohim, duke i përmbushur pritjet që premtojnë emrat e tyre. Lakersat fituan ndeshjen e pestë radhazi duke e vendosur trajnerin D’Antoni në bilanc të barabartë, 9-9 që kur ka marrë Lakersat, dhe atë me fitoren ndaj ish-skuadrës së tij e cila po dominon Lindjen, New York Knicks të cilët udhëhoqën në pjesën e parë për të humbur në fund 94-100. Kobe Bryant udhëhoqi vendasit drejt fitores me 34 pikë të shënuara, derisa Metta World Peace kontribuoi me 20 pikë e 7 kërcime. Nash pati 16 pikë e 11 asistime në lojën e dytë në dy muajt e fundit pasi mungoi në 24 ndehsje. Howard pati 14 pikë e 12 kërcime derisa Gasol shtoi 13 pikë e 8 kërcime, përfshirë edhe ngulitjen vendimtare në fund të ndeshjes që shoi shpresat e mysafirëve. Megjithatë ylli i mbrëmjes ishte Kobe Bryant i cili zhvilloi ndeshjen e tij të 15 në Ditën e Krishtlindjeve, dhe tani udhëheq edhe për më së shumti pikë të shënuara në këtë festë me 383 sosh duke tejkaluar Oscar Robertsonin që ka 377 pikë.

Tek mysafirët Carmelo Anthony pati 34 pikë, ndërsa JR Smith pati 24 pikë, duke ngushtuar rezultatin në 96-94, për të dështuar më pas të ngushtonte epërsinë në aksion vijues.

Në reprizën e finaleve të sezonit të kaluar, mbrëmë mësuam një gjë – Thunder nuk mund ta mposhtin Heat, akoma. Miami dominoi pjesën e parë për tu rikthyer në lojë në fund të ndeshjes duke u përkujdesur për humbjen e dytë radhazi - për herë të parë këtë sezon – të Thunder. Rivaliteti ndërmjet këtyre skuadrave ishte i pranishëm gjatë gjithë ndeshjes. LeBron James dhe Kevin Durant shkëmbyen fjalë jo shumë pozitive, Dwayne Wade dhe Serge Ibaka u shtynë fizikisht, gjyqtarët akorduan pesë gabime teknike, e Russell Westbrook goditi tavolinën i frustruar.

James mbylli ndeshjen me 29 pikë 9 kërcime e 8 asistime, Mario Chalmers pati 20 pikë të shënuara –rekord sezoni; ndërsa Chris Bosh shtoi 16 pikë në fitoren e Miamit që kishte mposhtur Oklahoma Cityn pesë herë radhazi para finaleve të qershorit. Heat ishin të mrekullueshëm nga gjuajtjet e lira duke shënuar 19 nga 19 tentime.

Durant pati 33 pikë, ndërsa Westbrook shtoi 21 për mysafirët, edhe pse të dy nuk arritën të shënonin tentimet për treshe që eventualisht do të barazonin rezultatin në fund të ndeshjes.

“Jam i rraskapitur,” ishin fjalët e vetme që James kishte në fund për gazetarët, e as Westbrook nuk e zgjati më shumë duke komentuar humbjen vetëm si “Pjesë e lojës”.

As Denver nuk ia doli të ndal serinë e Clippers. Në ndeshjen e dytë të mbrëmjes të zhvilluar në Los Angeles, në të njëjtën sallë ku përgjegjësit patën vetëm 3 orë kohë për të ndryshuar parketin, zbrazur e pastruar sallën, skuadra më e mirë e qytetit këtë vit, Clippers shënoi fitoren e 14të. Viktima ishin Denver Nuggets që pësuan 112-100. Jamal Crawford shënoi 22 pikë nga banka rezervë e cila në total pati 64 pikë në ndeshje, rekord sezone. Matt Barnes shtoi 20 pikë, derisa tek startuesit Chris Paul pati 14 pikë. Kosta Koufos dhe Jordan Hamilton shënuan nga 16 pikë për mysafitë, me Ty Lawson që pati 15 pikë. Ndeshja ishte lehtë e dominuar nga vendasit, të cilët po shfrytëzojnë në maksimum bankën rezervë duke përdorur një rotacion prej 10 deri 12 vetave në çdo ndeshje, që po rezulton me serinë më të mirë këtë vit.

Në ndeshjen e parë të mbrëmjes, Celtics dominuan Brooklynin pas çerekut të dytë të cilin e mbyllën me 14 pikë epërsi pas serisë 23-5 ku patën 11 asistime dhe 12 kosha. Në rezultatin përfundimtar 93-76, më së shumti kontribuoi Rajon Rondo me 19 pikë të shënuara në ndeshjen e parë të plotë kundër Nets-ave këtë sezon. Ai ishte përjashtuar dhe dënuar për tri ndeshje herën e kaluar pasi ishte kacafytur me Kris Humphries i cili mungoi për shkak të problemeve me abdomen. Kacafytje dhe shtyrje pati edhe mbrëmë, por në një përmasë shumë të më ultë duke mos patur nevojë as për gabime teknike. Fillestari Jared Sullinger pati rekordin e karrierës me 16 pikë, ndërsa Jeff Green kontribuoi me 15 pikë për fitoren e dytë të Celtics në 6 ndeshjet e fundit. Gerald Wallace dhe Brooke Lopez shënuan nga 15 pikë për Nets, ndërsa Williams dhe Johnson u ndalën me 10 përkatësisht 12 pikë të shënuara në humbjen e katërt në pesë ndeshjet e fundit të Nets. Vendasit mbyllën ndeshjen me 20 gabime që rezultuan me 25 pikë të pësuara.

Ndeshja e pestë e mbrëmjes ishte ajo ndërmjet Houston dhe Chicago. Mysafirët nga Teksasi fituan me rezultat të thellë, 120-97, për të cilët pos dyshes Lin-Harden, kontirbut të madh pati Omer Asik. Qendra turke pati DD me 20 pikë e 18 kërcime duke ia ‘terruar’ ish-bashkëlojtarëve të tyre 3 herë. “Omer është duke u bërë lojtar për ndeshje të mëdha. Sonte ai bllokonte, kërcente dhe siguronte topa për neve. Ai ka trup të madh dhe mundëson gjerësi në pranim të topave. Kjo ishte ndeshje shumë e mirë për të,” deklaroi trajneri i Houston, Kevin McHale. James Harden shtoi 26 pikë, ndërsa Jeremy Lin pati 20 pikë e 11 asistime. Edhe dy startuesit tjerë patën pikë dyshifrore me Chandler Parson me 23 pikë dhe Marcus Morris me 10 në fitoren e gjashtë në shtatë ndeshjet e fundit për Rockets.

Tek vendasit Nate Robinsoni pati 27 pikë, ndërsa Marco Bellinelli kontribuoi me 15 pikë të shënuara.

Në SHBA, dita e Krishtlindjeve vlerësohet jozyrtarisht edhe data kur ‘nis’ liga NBA të bëhet interesante. Vjen në fund të sezonit të rregullt NFL, dhe basketbolli është i sport në këtë ditë kur zhvillohen zakonisht katër-pesë ndeshje, shumica derbi, përfshirë edhe finalen e sezonit paraprak.

Rezultatet dhe renditjet

NBA

Brooklyn – Boston 76-93

LA Lakers – New York 100-94

Miami – Oklahoma City 103-97

Chicago – Houston 97-120

LA Clippers – Denver 112-100

Bengals dhe Colts në play-off!

Kronikë amerikane nr.250 – 24 dhjetor 2012

NFL

Pasimi 21 jardësh i Andy Dalton tek AJ Green i parapriu golit të Josh Brown që siguroi përfundimtaret për të dytën herë radhazi pas 30 viteve për Cincinnati Bengals. Gjithashtu është hera e parë pas tri viteve që Pittsburgh nuk arrin në përfundimtare. Roethlisberger pati 220 jard, 1 TD, dhe 2 interceptime përfshirë edhe gabimin vendimtar në fund të ndeshjes, interceptim që rezultoi me golin e Brown. Dy interceptime pati edhe Andy Dalton i cili mbylli ndeshjen me 278 jard dhe pa asnjë TD.

Gjërat në AFC Veri janë mbyllur edhe me fitoren e Baltimore të cilët mposhtën kampionët aktual NY Giants, 33-14. Ravens patën 533 jard në ofanzivë me Joe Flacco që pasoi për 309 jard dhe 2 TD. Bernard Pierce pati 123 jard, ndërsa Sidney Rice shtoi edhe 107 jard në depërtim, për njërën nga performancat më të mira të Baltimore. Tek kampionët aktual Eli Manning pati 150 jard dhe 1 TD, derisa gjasat e Giants për të siguruar përfundimtaret janë pothuajse baras me zero.

Colts janë skuadra e fundit në AFC që do të jetë prezentë në përfundimtare. Ata u rikthyen në fund për të mposhtur Chiefs. Andrew Luck hodhi për 205 jardë dhe 1 TD për totalin prej 4183 jard në sezonin e parë profesionist që e bën atë fillestarin më të suksesshëm në pasime para Cam Newton i cili vitin e kaluar pati 4051 jardë. Pos rekordit në pasim, Andrew Luck pati lojën e shtatë fituese në çerekun e katërt këtë sezon, rekord në ligën që nga unifikimi.Chiefs patën lojë të shkëlqyeshme në depërtim. Jamaal Charles depërtoi për 226 jard dhe 1 TD, derisa Peyton Hillis mbylli ndeshjen me 101 jard.

Houston u mposht nga Vikings, 23-6, duke rrezikuar pozitën e parë në AFC. Adrian Peterson depërtoi për 86 jard duke mbetur nën shifrën prej 2000 jardëve këtë sezon, por edhe duke mbajtur gjallë shpresat e përfundimtareve për Minnesota. Megjithatë Texans kanë përparësi në përqindje ndaj Denver që mbrëmë mposhti Clevelandin 34-12. Peyton Manning hodhi për 339 jard dhe 3 TD për ndeshjen e 72të në karrierën e tij me mbi 3 TD.

Cowboys patën një rikthim senzacional me 2 touchdown në 3 minutat e fundit të ndeshjes duke siguruar vazhdimet ku pësuan humbje nga Saints pas një gabimi të mysafirëve në sulm. Tony Romo pati 416 jard me 4 touchdown derisa Dez Bryant pati 224 jard dhe 2 touchdown në pranim. Tek mysafirët Drew Brees mbylli ndeshjen në kuotën prej 446 jardëve dhe 3 touchdown. Cowboys akoma kanë shanse për përfundimtare ndërsa në ndeshjen e fundit udhëtojnë në Washington.

Redskins janë një hap më afër përfundimtare. Me Robert Griffin III të kthyer në fushë ata mbrëmë fituan në Philadelphia, 27-20. Griffin pati 198 jard dhe 2 TD, ndërsa Alfred Morris depërtoi me 91 jard dhe 1 TD. Nick Foles pati 345 jard dhe nga 1 TD e interceptim tek Eagles, të cilët sipas të gjitha gjasave zhvilluan ndeshjen e fundit nën udhëheqjen e Andy Reid.

Seahawks siguruan përfundimtaret me fitoren vendimtare ndaj rivalëve divizional, San Franciscos, 42-13. Russell Wilson pati 171 jard dhe 4 TD, derisa Marshawn Lynch kontribuoi me 1 TD dhe 111 jard në depërtim. Colin Kaepernick pati 244 jard të pasuar dhe 31 në depërtim për 49ers.

Atlanta siguroi pozitën e parë në NFC me fitoren 31-18 ndaj Lions në Detroit të shtunën. Matt Ryan pati 279 jard dhe 4 touchdown. Matthew Stafford pati 443 jard dhe 1 interceptim tek Lions, ndërsa Calvin Johnson pati 225 jard në pranim. Me këtë shifër ‘Megatron’ theu rekordin për më së shumti jard të pranuar në një sezon me 1892 jard. Ai lë mbrapa Jerry Rice të San Franciscos i cili më 1995 pati 1848 jard.

NBA

San Antonio Spurs mposhtën Dallasin me rezultat të thellë, 129-91, falë një çereku të tretë të mrekullueshëm. Danny Green pati 7 treshe në rekordin e skuadrës për Spurs të cilin qëlluan 20 herë nga 30 tentime për 3 pikë. Green mbylli ndeshjen me 25 pikë, Tony Parker kontribuoi me 18, ndërsa Kawhi Leonard pati 17 pikë. Tek mysafirët Vince Carter pati 13 pikë e 5 kërcime, derisa pesëshja startuese pati vetëm 30 pikë. Megjithatë lajm i mirë për ish-kampionët është rikthimi i Dirk Nowitzkit në fushë. Gjermani që mungoni në 27 ndeshjet e para të sezonit luajti vetëm 20 minuta nga banka rezervë duke kontribuar me 8 pikë e 6 kërcime.

Joe Johnson pati 22 pikë, 10 nga të cilat erdhën në çerekun e tretë të fitores së Nets ndaj Sixers, 95-92. Ishte fitorja e parë pas 9 humbjeve në 10 ndeshjet e fundit për Brooklyn. Gerald Wallace shtoi 14 pikë e 9 kërcime, ndërsa Deron Williams pati 16 pikë. Tek Philadelphia Jrue Holiday pati 24 pikë, ndërsa Thaddeus Young kontribuoi me 18 pikë e 10 kërcime.

Rezultatet dhe renditjet

NBA

Orlando – Utah 93-97

Brooklyn – Philadelphia 95-92

New York – Minnesota 94-91

San Antonio – Dallas 129-91

Phoenix – LA Clippers 77-103

Sacramento – Portland 108-96

NFL

Kansas City – Indianapolis 13-20

Dallas – New Orleans 31-34 OT

Green Bay – Tennessee 55-7

Miami – Buffalo 24-10

NY Jets – San Diego 17-27

Philadelphia – Washington 20-27

Pittsburgh – Cincinnati 10-13

Tampa Bay – St. Louis 13-28

Carolina – Oakland 17-6

Jacksonville – New England 16-23

Houston – Minnesota 6-23

Denver – Cleveland 34-12

Arizona – Chicago 13-28

Baltimore – NY Giants 33-14

Seattle – San Francisco 42-13

Detroit – Atlanta 18-23

Renditja

Konferenca Kombëtare

Lindja

Washington 9-6

Dallas 8-7

NY Giants 8-7

Philadelphia 4-11

Veriu

Green Bay 11-4

Minnesota 9-6

Chicago 9-6

Detroit 4-11

Jugu

Atlanta 13-2

New Orleans 7-8

Tampa Bay 6-9

Carolina 6-9

Perëndimi

San Francisco 10-4-1

Seattle 10-5

St. Louis 7-7-1

Arizona 5-10

Konferenca Amerikane

Lindja

New England 11-4

Miami 7-8

NY Jets 6-9

Buffalo 5-10

Veriu

Baltimore 10-5

Cincinnati 9-6

Pittsburgh 7-8

Cleveland 5-10

Jugu

Houston 12-3

Indianapolis 10-5

Tennessee 5-10

Jacksonville 2-13

Perëndimi

Denver 12-3

San Diego 6-9

Oakland 4-11

Kansas City 2-13

Dominojnë 49shat, turpërohen kampionët!

Kronikë amerikane nr.248 – 17 dhjetor 2012

NFL

San Francisco 49ers siguruan një vend në përfundimtare duke mposhtur ‘Patriotët’ në Foxboro. Colin Kaepernick me 3 TD dhe Frank Gore me 1 TD të depërtuar pas topit të humbur të vendasve siguruan epërsinë prej 31-3 për mysafirët me 25 minuta lojë të mbetur deri në fund. Për këtë kohë të mbetur vendasit me nga 2 TD të Danny Woodhead dhe të Tom Brady barazuan rezultatin, por nuk mjaftoi pas touchdownit të katërt në ndeshje të Colin Kaepernick i cili e mbylli ndeshjen me 216 jard, derisa Tom Brady pati 443 jard dhe 2 interceptime. Danny Woodhead ishte depërtuesi kryesor me 61 jard dhe 2 TD tek vendasit, derisa Michael Crabtree pati 107 jard të pranuar dhe 2 TD për mysafirët, derisa veterani Randy Moss shtoi edhe 1 TD me 36 jard të pranuar. Brandon Lloyd pati 190 jard pa TD tek vendasit.

Një ndeshje mjaft interesante ishte edhe ajo ndërmjet Dallasit dhe Pittsburghut. Vendasit fituan pas vazhdimeve, 27-24, falë interceptimit të kornerbekut Brandon Carr, që më pas rezultoi në gol fushe. Ben Roethlisberger pati 339 jard të pasuar dhe 2 TD, ndërsa pak më i mirë për Dallasin ishte Tony Romo me 341 jard dhe 2 touchddown. Me këtë fitore, Dallas tejkalojnë në renditje NY Giants dhe mbeten prapa Washington, me gjasa të mëdha për përfundimtare. DeMarco Murray pati 81 jard dhe 1 TD në depërtim për vendasit, ndërsa Mike Wallace dhe Heath Miller, të dy patën mbi 90 jard në pranime për Pittsburgh të cilët tani janë 1 fitore mbrapa Bengals me të cilët do të takohen javën e ardhshme.

Giants nga pozita e parë në NFC Lindje zbritën në pozitën e tretë duke rrezikuar përfundimtaret. Ata u demoluan nga Atlanta me rezultat 34-0. Matt Ryan pasoi për 3 TD dhe 270 jard, derisa mbrojtja rikuperoi 1 fumble dhe 2 TD për të kompletuar ankthin e Giants dhe Elli Manning i cili hodhi për 161 jard dhe 2 interceptime. Njëherë ishte kjo humbja më e madhe e kampionëve aktual ndonjëherë në histori të ligës NFL. Rekordet e kaluara mbaheshin nga Raiders-at e vitit 1981 të cilit kishin humbur me 16, 17, dhe 27 pikë.

Humbje të thellë pësuan edhe Bills. Ata u mposhtën nga Seattle që në dy javët e fundit ka shënuar më shumë se 100 pikë. Russell Wilson vrapoi për 3 TD dhe hodhi për 1 tjetër në totalin prej 205 jard të hedhur dhe 92 jard të depërtuar. Marshawn Lynch pati 1 TD shtesë në depërtim me 113 jard. Tek Bills, fillestari CJ Spiller depërtoi për 103 jard dhe 1 TD.

Packers siguruan titullin në NFC Veri duke mposhtur në rrugë ‘arushat’ e Çikagos. Aaron Roders pasoi për 291 jard dhe 3 touchdown, të cilët ishin drejtuar tek James Jones. Clay Matthews dominoi mbrojtjen e mysafirëve duke mos lejuar Jay Cutler të bënte lojën e zakonshme. Ai pati dy ‘grabitje’ të dielën. Rodgers mbylli ndeshjen me 291 jard, ndërsa Randall Cobb shtoi 115 jard në pranim. Rodgers u bë vetëm kuarterbeku i tretë me tre sezone radhazi me mbi 30 pasime për touchdown pas Brett Favre dhe Dan Marino. Në anën tjetër Cutler mbylli ndeshjen me 135 jard dhe nga 1 TD e interceptim tek vendasit. Matt Forte ishte më i miri si në depërtim me 69 jard ashtu edhe në pranim me 64 jard.

Titullin e divizionit e siguruan edhe Texans. Falë performancës të jashtëzakonshme të mbrojtësit fundor, JJ Wat ata siguruan titullin e dytë radhazi me fitoren ndaj Colts të cilët kishin dominuar me 8 tituj në AFC Jug. Wat pati 3 grabitje për Texans tek të cilët dominoi Andre Johnson me 151 jard dhe 1 TD. Arian Foster depërtoi me 165 jard, ndërsa Matt Schaub pati 261 jard dhe 1 touchdown. Andrew Luck nuk arriti të kaloj 200 jard, duke mbetur me 186 jard dhe 2 touchdown tek Colts, ku performacë të jashtëzakonshme pati depërtuesit Vick Ballard i cili mbylli ndeshjen me 105 jard duke tejkaluar për herë të parë shifrën prej 100 jard.

Titullin e dytë radhazi e siguruan edhe Denver Broncos të cilët fituan si mysafirë në Baltimore. Peyton Manning hodhi për 204 jard dhe 1 TD derisa mbrojtja ktheu në TD një interceptim të Joe Flacco, i cili mbylli ndeshjen me 254 jard dhe 2 TD. Ishte kjo fitorja e 11të për Manning në sezonin e parë tek Denver, rezultati i dytë më i mirë për një kuarterbek mbi 35 vjeç në sezonin e parë me skuadrën e re.

Redskins kaluan në krye të NFC Lindje duke mposhtur Clevelandin. Kirk Cousins zëvendësoi Robert Griffith III duke pasuar për 2 TD dhe 329 jard. Alfred Morris depërtoi për 87 jard dhe 2 TD tek mysafirët, ndërsa për vendasit Blair Weeden hodhi për 244 jard, 1 TD dhe 2 interceptime. Tani Redskins kanë fatin e përfundimtareve në dorën e tyre. Me pozitën e parë në divizion ata udhëtojnë në Philadelphian, e renditur në fund të divizionit; dhe presin Dallasin, gjithashtu në luftë për përfundimtare.

NBA

Kobe Bryant shënoi 34 pikë për Lakers në udhëtimin në Philadelphia. Ishte kjo fitorja e dytë radhazi për Lakers, e cila vjen pas katër humbjeve radhazi. Performancë të shkëlqyeshme në fitoren, 111-98, të mysafirëve kishte edhe Metta World Peace i cili krahas 19 pikëve pati edhe 16 kërcime, rekord karriere. Dwight Howard shtoi 17 pikë e 1 kërcime, me Darius Morris që pati rekord karriere me 14 pikë. Tek Lakers munguan Nash dhe Gasol për shkak të lëndimeve, ndërsa tek vendasit, Nick Young pati 30 pikë të shënuara. Spencer Hawes dhe Evan Turner shtuan nga 16 pikë.

Rezultatet dhe renditjet

NFL

Houston – Indianapolis 29-17

Atlanta – NY Giants 34-0

St. Louis – Minnesota 22-36

Miami – Jacksonville 24-3

Chicago – Green Bay 13-21

Cleveland – Washington 21-38

Baltimore – Denver 17-34

New Orleans – Tampa Bay 41-0

Arizona – Detroit 38-10

San Diego – Carolina 7-31

Buffalo – Seattle 17-50

Dallas – Pittsburgh 27-24 OT

Oakland – Kansas City 15-0

New England – San Francisco 34-41

NBA

Toronto – Houston 103-96

Philadelphia – LA Lakers 98-111

Sacramento – Denver 97-122

Portland – New Orleans 95-94

Bengals afër përfundimtareve, Lakers kërkah!

Kronikë amerikane nr.247 – 14 dhjetor 2012

NFL

Me fitoren 34-13 ndaj Eagles në Philadelphia, Cincinnati është afruar një hap më shumë drejt finaleve. Ata detyruan vendasit të bëjnë pesë gabime duke kthyer një në TD si dhe një interceptim për Nick Foles. Foles pati 182 jard dhe 1 TD pas performancës të shkëlqyeshme javën e kaluar në Tampa. Në anën tjetër Andy Dalton pasoi për 127 jard dhe 1 TD tek mysafirët të cilët për momentin zënë pozitën e fundit për përfundimtare para Pittsburgh, me të cilët takohen javën e ardhshme.

NBA

Lakers kanë humbur rrugën duke dëshmuar se gjërat që do të duhen të funksionin, mund të mos funksionojnë siç duhet. Mbrëmë ata u zunë të papërgatitur në New York ku Knicks arritën të siguronin epërsi prej 41-27 në periudhën e parë të ndeshjes, epërsi që u ruajt deri në fund. Vetëm Carmelo Anthony shënoi 22 nga 30 pikët e tij në çerekun e parë për fitoren 116-107 në rikthimin e ish-trajnerit të Lakers, Mike D’Antoni në Madison Square Garden. Gjuajtjet për tre pikë dhe lëvizja e shpejtë e topit ishin faktorë kyç në fitoren e nëntë si vendas këtë sezon për Knciks, rekordi më i mirë që nga viti 1992-1993. Raymond Felton shënoi 19 ndërsa Tyson Chandler pati 18 pikë tek vendasit. Si zakonisht Kobe Bryant shënoi më së shumti pikë - 31, dhe shtoi edhe 10 kërcime për mysafirët. Metta World Peace pati 21 e Howard mbylli ndeshjen me 20 pikë e 7 kërcime.

Në ndeshjet tjera të mbrëmjes, Spurs u mposhtën nga Blazers, ndërsa Atlanta mposhti Charlotte.

MLB

Njëri nga lojtarët e lirë më të kërkuar këtë pas-sezon në MLB, qendërfushori i Rangers, Josh Hamilton ka nënshkruar kontratë me LA Angels. Ai do tu bashkohet emrave si Trout, Trumbo dhe Pujols në një formacion goditës që pritet të shpërthej me home-run vitin e ardhshëm. Njëkohësisht ky nënshkrim i Angels pritet të balancojë më shumë rivalitetin e Los Angeles pas transferimit të Zack Greinke tek Dodgers. Hamilton do të inkasojë 125 milionë në 5 vitet e ardhshme.

Rezultatet dhe renditjet

NFL

Philadelphia - Cincinnati

NBA

Atlanta – Charlotte 113-90

New York – LA Lakers 116-107

Portland – San Antonio 98-90

Renditja NBA

Konferenca Lindore

Atlantiku

New York 17-5

Brooklyn 12-9

Boston 12-9

Philadelphia 12-10

Toronto 4-19

Qendra

Chicago 12-4

Milwaukee 11-5

Indiana` 11-6

Detroit 7-17

Cleveland 5-18

JugLindja

Miami 14-6

Atalnta 14-6

Orlando 8-13

Charlotte 7-15

Washington 3-16

Konferenca Perëndimore

VeriPerëndimi

Oklahoma City 18-4

Utah 13-10

Minnesota 10-9

Denver 11-12

Portland 10-12

Veriu

LA Clippers 16-6

Golden State 15-7

LA Lakers 9-14

Phoenix 8-15

Sacramento 7-14

JugPerëndimi

San Antonio 18-6

Memphis 14-5

Dallas 11-11

Houston 10-11

New Orleans 5-16

Edhe Cleveland mposht Lakersat, Knicks dominojnë Nju Jorkun!

Kronikë amerikane nr.245 – 12 dhjetor 2012

NBA

Carmelo Anthony shënoi plotë 45 pikë në derbin e qytetit të Nju Jorkut, për tu hakmarrë për humbjen në ndeshjen e parë në Brooklyn. Melo shënoi rekordin e këtij sezoni, derisa veterani Jason Kidd shënoi treshen vendimtare 24 sekonda para fundit për të përmbyllur rikthimin fantastik të Knicks të cilët ishin në një disavantazh prej 17 pikëve gjatë ndeshjes. Kidd mbylli ndeshjen me 18 pikë.

“E urrej atë” deklaroi në formë shakaje pllejmejkeri i Nets, Deron Williams i cili përfundoi ndeshjen me 18 pikë e 10 asistime tek Nets, Andray Blatche ishte më efikasi me 23 pikë, ndërsa Reggie Evans dominoi në trapez me plotë 18 kërcime, të cilët mbuluan në maksimum mungesën e Brook Lopez të lënduar dhe Kris Humphries akoma jashtë formës së plotë me vetëm 8 minuta në parket. Ishte kjo fitorja e parë këtë vit e Knicks ndaj Nets, një rivalitet i nisur këtë sezone me zhvendosjen e këtyre të fundit në Brooklyn. Deri në fund janë edhe dy përballje të cilat do të zhvillohet në Madison Square Garden të Knicks.

Kobe Bryant shënoi plotë 42 pikë për Lakersat. Por, as kjo nuk u ndihmoi të shmangin humbjen e shtatë si mysafirë, kësaj radhe nga Cleveland. Cavaliers luajtën me të rikthyerin Kyrie Irving i cili mbylli ndeshjen me 28 pikë e 11 asistime. CJ Miles kontribuoi me 28 pikë në startin e parë të sezonit për skuadrën e Cleveland, ndërsa Anderson Varejao shënoi 20 pikë në trapez. Dwight Howard shënoi 19 pikë e 20 kërcime tek mysafirët të cilët në çerekun e tretë ishin edhe në -16 pikë, derisa akoma luajnë pa Pau Gasol dhe Steve Nash të lënduar.

Në anën tjetër, Clippers fituan kundër një skuadre që vlerësohet këtë vit më e mirë se Cleveland. Ata mposhtën Chicagon me rezultat 94-89. Blake Griffin pati 22 pikë e 10 kërcime, i ndihmuar nga, si zakonisht, Chris Paul i cili mbylli ndeshjen me 18 pikë. Carlos Boozer ishte më i miri tek vendasit me 24 pikë e 13 kërcime, të mjaftueshme për DD e 10të në 13 ndeshje që ka zhvilluar këtë sezon.

NFL

Ish-komisioneri i NFL ligës, Paul Tagliabue ka vendosur të anuloj sanksionet ndaj lojtarëve të përfshirë në skandalin e ‘dhuratave’. Në arsyetimin e tij lavdërohen masat e komisionerit aktual të ligës, Roger Goodell duke cilësuar punën e tij si një hap i drejtë në luftën për sigurinë e lojtarëve, derisa lojtarët i shfajëson duke ia lënë fajin trajnerëve dhe menaxherëve që kanë ‘udhëzuar’ gjëra të tilla ilegale, të rrezikshme për shëndetin e lojtarëve.

Goodell kishte suspenduar disa lojtarë të New Orleans Saints, dhe një pjesë të stafit përfshirë menaxherin dhe kryetrajnerin për shkak të ‘ofrimit të dhuratave’ për ata të cilët lëndojnë lojtarët kundërshtarë. Pas apelit, Goodell kishte vendosur Tagliabuen si një palë e pavarur për të vlerësuar vendimet.

MLB

Shin-Soo Choo është larguar nga Indians. Cleveland ka arritur një marrëveshje të përshtatshme për skuadrën duke larguar lojtarin që nuk dëshironte të qëndronte në një skuadër jo shumë efikase dhe duke marrë talente nga një marrëveshje tri palëshe.

Cleveland kanë marrë prospektin Trevor Bauer nga Arizona së bashku me hedhësit Matt Albers dhe Bryan Shaw si dhe jashtëfushorin Drew Stubbs nga Cincinati. Së bashku me Choo kanë larguar fushorin Jason Donald dhe 3.5 milionë dollarë tek Cincinnati, dhe hedhësin Tony Sipp e bazistin e parë Lars Anderson tek Arizona.Arizona ka marrë stopuesin Didi Gregorius nga Cincinatti.

30 vjeçari Choo, pjesa kryesore e këtij transferimi vitin e kaluar pati mesatare .283 me 16 homer, 67 RBI në 155 ndeshje të zhvilluara.

Kevin Youkilis ka arritur marrëveshje verbale me New York Yankees. Bazisti i tretë i cili sezonin e kaluar u transferua nga Boston Red Sox tek Chicago White Sox, pritet të marrë 12 milionë dollarë për një vit. Youkilis, i cili në mars do të jetë 34 vjeç, vitin e kaluar e mbylli me mesatare .235, 19 homer dhe 60 RBI në 111 ndeshje, derisa pritet të zëvendësoj Alex Rodriguezin e lënduar i cili pritet ti nënshtrohet operimit që do ta mbajë jashtë për pjesën më të madhe të sezonit të ardhshëm.

NHL

Liga profesioniste e hokejit në akull, NHL, ka anuluar të gjitha ndeshjet në program deri me 30 dhjetor 2013. Pas këtij vendimi, numri i ndeshjeve të anuluara arrin në 526 apo 43% e ndeshjeve të sezonit që ishte dashur të niste me 11 tetor 2013. Marrëveshje e re për Kontratën Kolektive ndërmjet pronarëve dhe hokejistëve nuk është afër pas dështimit të negociatave me ndërmjetësimin e palës së tretë. Sipas të gjitha gjasave këtë vit kalendarik nuk do të shohim fare hokej mbi akull.

Rezultatet dhe renditjet

NBA

Brooklyn – New York 97-100

Cleveland – LA Lakers 100-94

Detroit – Denver 94-101

New Orleans – Washington 70-77

Chicago – LA Clippers 89-94

Brady shkatërron Houston-in!

Kronikë amerikane nr.244 – 11 dhjetor 2012

NFL

Tom Brady hodhi për katër TD dhe 296 jard në fitoren e New England ndaj Houston, 42-14. Patriotët shkatërruan njërën ndër skuadrat më të mira në ligë në një ndeshje të zakonshme dhjetori për ta në Foxboro. Ishte kjo fitorja e 20të radhazi si vendas e New England, edhe pse shumica e tyre nuk kanë qenë kaq bindëse. Steven Ridley depërtoi për 72 jard dhe 1 TD, derisa Aaron Hernandez u rikthye pas lëndimit me dy touchdown të pranuar. Tom Brady kalon Johnny Unitas-in legjendar për ndeshje me nga katër touchdown të hedhur. Tani ai ka 18 ndeshje me 4 TD sa ka edhe Drew Brees. Dan Marino me 21, Peyton Manning me 22 dhe Brett Favre me 23 ndeshje me 4 TD renditen para tyre. Matt Schaub pati 232 jard dhe 1 interceptim para se të zëvendësohej nga TJ Yates i cili pati 1 TD në depërtim. Arian Foster shënoi TD tjetër duke depërtuar me 46 jard.

NBA

Tony Parker shënoi dyshifrorin e trefishtë të parë në karrierën e tij në fitoren e San Antonios ndaj Houston, e cila erdhi vetëm pas kohës shtesë. Parker pati 27 pikë, 12 kërcime e 12 asistime në fitoren 134-126 të Spursave të cilët fituan për të 11-ën herë në rrugë. Pllejmejkeri francez ishte jashtëzakonisht efikas nga jashtë zonës duke shënuar 7 herë nga 10 tentime për 3 pikë. Tim Duncan pati 10 pikë e 13 kërcime për Spurs të cilët akoma po presin rikthimin e Kawhi Leonard i cili pritet të rikthehet në parket për ndeshjen e parë të këtij sezoni gjatë javës. Tek vendasit Jeremy Lin pati 38 pikë, ndërsa qendra turke Omer Asik pati rekordin e karrierës me 21 pikë të shënuara duke shtuar edhe 10 kërcime.

O.J. Mayo vazhdon me formën e tij të shkëlqyeshme për Dallasin. Ai pati 19 pikë e 7 kërcime duke qenë kontribuuesi kryesor në serinë prej 31-3 për Dallasin kundër Sacramentos që solli fitoren e 11 këtë sezon për ish-kampionët. Fitorja 119-96 ishte 19ta radhazi si vendas për Mavericks ndaj Kings-ave. Shawn Marion mungoi për shkak të lëndimit, derisa Chris Kaman kaloi vetëm 21 minuta në parket për shkak të problemeve me nyjën e këmbës së majtë, duke shënuar 18 pikë. Francisco Garcia shënoi 7 treshe për totalin prej 25 pikëve sa pati edhe DeMarcus Cousins. Jason Thompson pati DD me 11 pikë e 12 kërcime.

Kampionët aktual, Miami Heat shënuan fitoren e 10 këtë sezon si vendas. Ata mposhtën Atlanta 101-92 në ndeshjen ku LeBron James kontribuoi me 27 pikë. Dwayne Wade kontribuoi me 26 pikë duke patur lojën më efikase në karrierë pasi qëlloi 11 nga 13 tentimet nga loja. Chris Bosh dominoi në trapez me 14 pikë e 10 kërcime. Josh Smith pati 22 pikë, ndërsa Al Horford kontribuoi me 20 pikë e 11 kërcime tek Atlanta e cila ka humbur të dy përballjet e këtij sezoni ndaj Miamit, ndaj të cilës skuadër kanë bilanc 1-7 nga marsi i vitit 2011.

MLB

Dodgers po shpenzojnë sikur e ardhmja mos të ekzistojë. Borxhi i tyre për vitet e ardhshme vetëm ndaj 5 lojtarëve tani ka kaluar shifrën për gjysmë miliardë dollarë. I fundit është hedhësi Zack Greinke i cili ka nënshkruar kontratë gjashtë vjeçare me skuadrën nga Los Angeles, për të cilën periudhë do të inkasojë përafërsisht 147 milionë dollarë. Kjo tejkalon vazhdimin e kontratës së hedhësit të Phillies, Cole Hamels i cili siguroi 144 milionë dollarë, dhe është kontrata më luksoze për ndonjë hedhës të djathtë ndonjëherë. CC Sabathia ka nënshkruar kontratë 6 vjeçare në vlerë prej 161 milionë dollarë në vitin 2009 me NY Yankees. Greinke, 29 vjeç, ishte transferuar në gusht nga Milwaukee Brewers tek LA Angels derisa në biografinë e tij ka një CY Young të fituar.

Bejsbollistët më të shtrenjtë të LA Dodgers:

Zack Greinke – 147 milionë deri 2018

Adrian Gonzalez – 127 milionë deri 2018

Carl Crawford – 102.5 milionë deri 2017

Matt Kemp – 108 milionë deri 2019

Andre Ethier – 85 milionë deri 2017

Rezultatet dhe renditjet

NBA

Philadelphia – Detroit 104-97

Charlotte – Golden State 96-104

Miami – Atlanta 101-92

Houston – San Antonio 126-134 OT

Dallas – Sacramento 119-96

Portland – Toronto 92-74

NFL

New England – Houston 42-14

Renditja

Konferenca Kombëtare

Lindja

NY Giants 8-5

Washington 7-6

Dallas 7-6

Philadelphia 4-9

Veriu

Green Bay 9-4

Chicago 8-5

Minnesota 7-6

Detroit 4-9

Jugu

Atlanta 11-2

Tampa Bay 6-7

New Orleans 5-8

Carolina 4-9

Perëndimi

San Francisco 9-3-1

Seattle 8-5

St. Louis 6-6-1

Arizona 4-9

Konferenca Amerikane

Lindja

New England 10-3

NY Jets 6-7

Buffalo 5-8

Miami 5-8

Veriu

Baltimore 9-4

Pittsburgh 7-6

Cincinnati 7-6

Cleveland 5-8

Jugu

Houston 11-2

Indianapolis 9-4

Tennessee 4-9

Jacksonville 2-11

Perëndimi

Denver 10-3

San Diego 5-8

Oakland 3-10

Kansas City 2-11

Giants në stilin e kampionit!

Kronikë amerikane nr.239 – 26 nëntor 2012

NFL

“Luani si kampion bote” ishte kërkesa e vetme e 15 vjeçarit që ishte prezent në stërvitjen e New York Giants falë një fondacioni. Ai kërkonte që kampionët aktual të ndërprisnin rënien prej 2 humbjeve radhazi dhe atë pikërisht kundër skuadrës të cilën e mposhtën në finale të konferencës NFC në rrugë për trofeun Lombardi. Giants shfaqën lojë kampioni. Ata fituan 38-10 duke grabitur Aaron Rodgersin 5 herë në 29 tentime. Rodgers pati edhe 1 interceptim dhe 1 fumble. Ai mbylli ndeshjen para kohës me 219 jard dhe 1 TD. Në anën tjetër Eli Manning arriti rekordin e skuadrës duke u bërë kuarterbeku i parë në histori të Giants me 200 TD të hedhur. Ai shtoi edhe 3 touchdown. Andre Brown pati 64 jard në depërtim për tu diagnostifikuar me këmbë të thyer pas ndeshjes. Ahmad Bradshaw shtoi 58 jard dhe 1 TD në depërtim, derisa Hakeem Nicks pati 1 TD dhe 77 jard në pranim. James Starks pati 35 jard në depërtim, ndërsa Jordy Nelson shtoi 71 jard dhe 1 TD në pranim tek Packers të cilët mbesin në pozitën e 5 në NFC që për momentin ju siguron përfundimtaret.

Fitore në thellë shënuan edhe Chicago Bears. Të vendosur në njërin nga divizionet më të mira këtë sezon me Detroit, Green Bay dhe kundërshtarët e të dielës, Minnesota, ‘arushat’ po përdorin në maksimum mbrojtjen për të mbajtur pozitën e parë në Veri të NFC. Pos që ndalën Adrian Petersonin në fillim të ndeshjes, ata rikuperuan edhe 3 topa duke ngritur totalin në 33 këtë vit. Edhe pse kthyen Jay Cutler nga lëndimi dhe shënuan fitoren e parë pas dy humbjeve radhazi nga 49ers dhe Texans, ata humbën tre lojtarë për shkak të lëndimeve. Devin Hester pati tronditje, Forte lëndoi nyjën e këmbës në çerekun e tretë, derisa jashtë loje mbeti edhe mbrojtësi Charles Tillman.

Cutler mbylli ndeshjen me 188 jard dhe 1 TD, Michael Bush depërtoi për 60 jard dhe 2 TD, derisa tek mysafirët Christian Ponder hodhi për 1 TD, 1 interceptim me 159 jard në total.

Chicago ktheu kuarterbekun startues pas humbjes javën e kaluar. Këtë hap nuk e ndërmorën edhe San Francisco 49ers të cilët përdorën Colin Kaepernickun për fitoren e radhës në New Orleans. Kuarterbeku rezerv pati 231 jard dhe 1 TD të hedhur si dhe depërtoi për 1 TD shtesë. Në krye të detyrës ishte edhe mbrojtja që ktheu dy topa në touchdown me anë të Ahmad Brooks dhe Donte Whitner. Drew Brees pati 3 interceptime në total dhe u grabit 5 herë. Ai mbylli ndeshjen me 267 jard dhe 3 TD, në humbjen e tretë në shtëpi dhe të gjashtën këtë sezon të Saints.

NBA

New York Knicks nuk e dinë çka është humbja në ‘Melrose Square Garden’. Ata tani kanë pesë fitore pa asnjë humbje si vendas këtë sezon. Viktima e radhës ishin Detroit Pistons të cilët u demoluan me rezultat 121-100. Carmelo Anthony shënoi 29 pikë i ndihmuar nga Raymond Felton me 14 pikë e 10 asistime. Ndihmë e madhe erdhi nga banka rezervë ku tre lojtarë patën pikë dyshifrore me JR Smith që shtoi edhe 10 kërcime krahas 15 pikëve. Po aq pikë pati edhe veterani Rasheed Wallace, derisa Steve Novak kontribuoi me 18 pikë përfshirë 5 treshe. Tek mysafirët Brandon Knight pati 21 pikë.

San Antonios iu nevojiten dy vazhdime për të mposhtur Raptors në Toronto. Kjo shtyu pllejmejkerin francez, Tony Parker në limitet e tij me 32 pikë të shënuara, 6 nga të cilat erdhën në vazhdimin e dytë. Tim Duncan shtoi 26 pikë, ndërsa Manu Ginobili pati 15 pikë. Tek Toronto qendra debutuese lituaneze Jonas Valanciunas shënoi 22 pikë e 7 kërcime, i ndihmuar nga DeMar DeRozan që pati 29 pikë.

Deron Williams pati DD me 15 pikë e 12 asistime, përfshirë edhe 4 bllokada dhe 3 topa të vjedhur. Ai u ndihmua nga Joe Johnson me 21 pikë dhe Kris Humphries me 14 pikë e 10 kërcime në trapez, në fitoren 98-85 ndaj Portland Trail Blazers. Ndeshja e ardhshme e Nets do të jetë derbi lokal kundër New York Knicks.

Kronikë Amerikane përgatitet nga Luan Morina

Rezultatet dhe renditjet

NBA

Toronto – San Antonio 100-111 2OT

New York – Detroit 121-100

Brooklyn – Portland 98-85

Philadelphia – Phoenix 104-101

Orlando – Boston 110-116 OT

Denver – New Orleans 102-84

NFL

NY Giants – Green Bay 38-10

New Orleans – San Francisco 21-31

Arizona – St. Louis 17-31

San Diego – Baltimore 13-16 OT

Chicago – Minnesota 28-10

Indianapolis – Buffalo 20-13

Cincinnati – Oakland 34-10

Cleveland – Pittsburgh 20-14

Kansas City – Denver 9-17

Miami – Seattle 24-21

Tampa Bay – Atlanta 23-24

Jacksonville – Tennessee 24-19

Smith i përkryer, 49shat shkatërrojnë Arizonan!

Kronikë amerikane nr.223 – 30 tetor 2012

NFL

Alex Smith ishte i përkryer në pasime mbrëmë. Ai kompletoi 18 nga 19 tentimet duke u bërë kuarterbeku pasues më i mirë në NFL me minimumin prej 15 tentimeve në një ndeshje. Ai hodhi për 232 jard dhe 3 touchdown në fitoren bindëse 24-3 të San Francisco 49ers ndaj rivalëve divizional, Arizona Cardinals.

Michael Crabtreet kapi 5 topa të pasuar për 72 jard dhe 1 TD, derisa veterani Randy Moss pranoi 1 pasim për 1 TD dhe 47 jard. Impresionuese ishte loja në pranime e 49ers falë në të cilën mbrëmë kontribuoi edhe fundori Vernon Davis, e mbrojtja si zakonisht ishte në krye të detyrës.

Në mungesë të kuarterbekut startues, Kevin Kolb, ishte John Skelton që udhëhoqi Cardinals mbrëmë. Ai pasoi për 290 jard, pati vetëm 1 interceptim, por asnjë touchdown. Ishte kjo humbja e parë e Skelton si vendas pas bilancit 6-0 në Phoenix Stadium.

Për shkak të uraganit Sandy, NFL ka shtyrë afatin e transferimeve në ligë deri të enjten pasdite sipas kohës lindore. Derisa transferimet janë ngjarje e rrallë në NFL, këtë vit janë disa depërtues të cilët mund të ndërrojnë skuadër. Yahoo ka futur në mesin e tyre depërtuesin e St. Louis Rams, Steven Jackson i cili do të jetë agjent i lirë pas përfundimit të këtij sezoni. 30 vjeçari merr pagë prej 7 milionë dollarëve, dhe në rast të transferimit kjo shumë s’do të ishte më barrë e Rams këtë vit.

Në mesin e depërtuesve që do të kërkojnë mjedis të ri është edhe DeAngelo Williams nga Carolina e mbipopulluar në këtë repart. Me Stewart e Tolbert aty, Williams po has në vështirësi për të gjetur minutat e duhur. Ai ka kontratë pesë vjeçare në vlerë 43 milionë dollarë, 21 milionë prej të cilëve janë të garantuar.

Tampa Bay mund të largoj LeGarrette Blount-in i cili që nga sezoni i tij me 1007 jard dhe 6 touchdown në vitin 2010 ka pasur rënie në formë. Paga e tij mbetet e ultë edhe këtë vit me minimumin prej 540 mijë dollarëve, por mos vazhdimi i kontratës dhe depërtuesi fillestar Doug Martin mund ta largojnë nga Florida.

Dwayne Bowe i Kansas City, Tim Tebow i Jets, dhe dy depërtuesit e Saints, Mark Ingram dhe Chris Ivory janë në mesin e atyre që mund të ndryshojnë skuadër deri të enjten.

NBA

Sonte nis sezoni i NBA-së. Në tri ndeshjet e para takohen Cleveland – Washington, Miami – Boston, dhe LA Lakers – Dallas.

College Football

Pas javës së tetë në ligën universitare të futbollit amerikan kanë mbetur vetëm pesë skuadra me bilanc perfekt. Katër nga ato gjenden në krye të renditjes BCS me Louisville që këtë javë është futur në Top 10. Fitorja e Louisville erdhi në kohën shtesë ndaj Cincinnatit, derisa Alabama fitoi thjeshtë e lehtë ndaj Mississippi State, 38-7, për të mbetur si skuadra më e mirë në ligë. Humbje të befasishme pësoi Florida e cila u mposhtë nga Georgia me rezultat 17-9 si pasojë e gjashtë gabimeve që bën në sulm. Kansas State mbetet në pozitën e tretë pas fitores të thellë, 55-24 ndaj Texas Tech me 4 TD të Collin Klein. Fitore edhe më të thellë shënuan Oregon Ducks të cilët vetëm në pjesën e parë shënuan 56 pikë, për të mbyllur ndeshjen me rezultat 70-14 ndaj Colorados. Ishte kjo fitorja e 21të radhazi e Oregon që shënon mbi 21 pikë, vetëm një më pak se rekordi i Oklahoma State dhe Hawaii. Notre Dame vazhdon të mbetet e pamposhtur duke fitura me rezultat 30-13 në Oklahoma.

Rezultatet dhe renditjet

NFL

Arizona – San Francisco 3-24

Renditja

Konferenca Kombëtare

Lindja

NY Giants 6-2

Philadelphia 3-4

Dallas 3-4

Washington 3-5

Veriu

Chicago 6-1

Minnesota 5-3

Green Bay 5-3

Detroit 3-4

Jugu

Atlanta 7-0

Tampa Bay 3-4

New Orleans 2-5

Carolina 1-6

Perëndimi

San Francisco 6-2

Arizona 4-4

Seattle 4-4

St. Louis 3-5

Konferenca Amerikane

Lindja

New England 5-3

Miami 4-3

Buffalo 3-4

NY Jets 3-5

Veriu

Baltimore 5-2

Pittsburgh 4-3

Cincinnati 3-4

Cleveland 2-6

Jugu

Houston 6-1

Indianapolis 4-3

Tennessee 3-5

Jacksonville 1-6

Perëndimi

Denver 4-3

San Diego 3-4

Oakland 3-4

Kansas City 1-6

College Football

Renditja

1. Alabaman 8-0

2. Kansas State 8-0

3. Notre Dame 8-0

4. Oregon 8-0

5. LSU 7-1

6. Georgia 7-1

7. Florida 7-1

8. South Carolina 7-2

9. Florida State 8-1

10. Louisville 8-0

San Francisco kampion! - Kronikë amerikane

Kronikë amerikane nr.222 – 29 tetor 2012

MLB

Giants e San Franciscos ishin të pandalshëm javëve të fundit. Pasi u rikthyen për të fituar tri ndeshje radhazi ndaj Cardinals kur ishin pranë eliminimit, ata vazhduan serinë duke fituar edhe katër sosh ndaj Tigers. Pas dy dominimeve si vendas ata njëjtë vazhduan edhe në dy ndeshjet e radhës në Detroit. Në fakt ‘tigrat’ shfaqën dhëmbët e tyre vetëm në ndeshjen e fundit kur arritën të mbajnë rezultatin e barabrtë 3-3 deri në fund të iningut të nëntë, gjë që nuk mjaftoi për të mbijetuar në garë për titull.

Goditja në katër ndeshjet finale për Tigers ishte .159, mesatarja e tretë më e dobët ndonjëherë në ndeshjet finale World Series pas Dodgers të 1966 me .142 dhe Orioles të vitit 1969 me .146. Transferi më i madh para sezonit për Detroit, Prince Fielder pati vetëm një goditje nga 14 tentime këtë seri finalesh pa asnjë RBI, derisa Miguel Cabrera shënoi pikën e parë pas 20 shfaqjeve në pjatë duke shënuar home-run në ndeshjen e fundit. Homer në ndeshjen e fundit shënoi edhe Delmon Young, që së bashku me 2 RBI tek homeri i Cabreras sollën të tri pikët për vendasit. Scherzer kaloi 6.1 ining në hedhje me 7 goditje të lejuara, 8 strikeout dhe 1 home-run.

Home-run i mysafirëve erdhi nga Buster Posey, lojtari i vetëm i pranishëm në finalen e të dielës nga ajo skuadra kampione e Giants të vitit 2010. Belt dhe Scutaro shënuan RBI. Ky i fundit goditi një njëshe në iningun e dhjetë pas goditjes së Ryan Theriot që solli edhe epërsinë për Casilla që mori edhe fitoren përkundër vetëm 0.1 ining hedhje. Cain startoi ndeshjen për Giants me 7 ining, 5 goditje, 5 strikeout dhe 2 homer të lejuar. Sergio Romo mbylli ndeshjen duke larguar të tre goditësit me strikeout për titullin e shtatë në histori të Giants, dhe të dytin pas shpërnguljes së tyre në San Francisco.

Pablo Sandoval – Panda, u shpall MVP i finaleve, falë performancës fantastike sidomos asaj të ndeshjes së parë kur goditi 3 home-run ndaj Justin Verlander.

NFL

Futbolli amerikan nuk ka qenë kurrë më afër futbollit. Këtë sezon kemi pasur dy ndeshje në Londër. Ky zakon i NFL kishte nisur në vitin 2007 nga kur është zhvilluar nga një ndeshje për sezon në Evropë. Kësaj radhe ishin Rams dhe Patriots në një ndeshje që fascinoi ‘Wembley’-n e stërmbushur. Patriots shënuan pesë herë në posedimin e parë me Tom Bradyn që mbylli ndeshjen me 304 jard dhe 4 touchdown. Rob Gronkowski pati 146 jard dhe 2 TD derisa Steve Ridley pati 15 depërtime për 127 jard dhe 1 TD. Sam Bradford pati 205 jard dhe nga 1 touchdown e interceptim për St. Louis.

Në ndeshjen e mbrëmjes u ndeshën dy nga kuarterbekët më të mirë në histori të NFL. Peyton Manning ishte mikpritës i Drew Brees dhe Saints-ave në formë të dobët këtë sezon. Manning shfaqi një ndeshje fantastike duke shënuar ndeshjen e tretë radhazi me 300 jard të hedhur, 3 TD dhe asnjë interceptim. Mbrëmë ai pati 305 jard dhe 3 TD duke mos lejuar asnjë grabitje dhe me 22 pasime të sakta nga 30 tentime. Willis McGahee depërtoi për 122 jard dhe 1 TD derisa Denyarius Thomas ishte më i miri në pranim me 137 jard dhe 1 TD. Brees pati një ndeshje plotësisht të kundërt. Ai hodhi për 213 jard, 2 TD dhe 1 interceptim.

Ndeshje interesante ishte edhe ajo ndërmjet ‘kaubojëve’ dhe ‘gjigantëve’. Mysafirët nga Nju Jork kaluan herët në epërsi duke udhëhequr me 23-0 pas vetëm 16:55 minuta lojë. Tynes shënoi tre gola, Brown depërtoi për 1 dhe Jason Pierre Paul konvertoi interceptimin në touchdown për 23 pikët e Giants të cilët humbën epërsinë në fund të çerekut të tretë kur Tony Romo pasoi tek Phillips pasi kishte shënuar vet një TD, Jones kishte depërtuar dhe Bailey kishte shënuar gol. Megjithatë Romo dështoi në çerekun e fundit duke qenë pjesë e gjashtë gabimeve të vendasve. Dallas pësoi edhe dy gola nga Tynes duke mbetur mbrapa konkurrentëve divizional. Romo mbylli ndeshjen me 437 jard, 1 touchdown të hedhur dhe plotë 4 interceptime.

As shkarkimi i koordinatorit defanziv nuk riktheu fitoren tek Eagles. Andy Reid ishte perfekt në ndeshjet pas javës së pushimit në NFL, me bilanc 13-0. Mbrëmë ai shënoi humbjen e parë nga një skuadër që deri tani ka bilanc perfekt këtë sezon, 7-0. Atlanta mposhti Philadelphian 30-17. Matt Ryan pasoi për 3 touchdown dhe 262 jard, derisa Julio Jones pranoi 5 topa për 123 jard dhe 1 TD. Tek Philadelphia Michael Vick pati 191 jard dhe 1 TD derisa LeSean McCoy depërtoi për 45 jard dhe 1 TD. Kritikat për Vick nuk kanë të ndalur derisa në rast moskualifikimit për përfundimtare edhe trajneri Reid edhe Vick që ka kontratë mbi 100 milionë euro do të largohen, e ky i fundit mund as të mos startoj ndeshjen e ardhshme pas performancave nën-mesatare.

NBA

Nënkampionët e NBA-së, Oklahoma City kanë larguar lojtarin më të mirë të gjashtë të ligës sezonin e kaluar, James Harden drejt Houston Rockets. Në këmbim të Harden, Thunder kanë marrë Kevin Martin, Jeremy Lamb, dy zgjedhje të rrethit të parë në Draft, dhe një zgjedhje të rrethit të dytë. Së bashku me Harden nga Oklahoma City janë larguar qendra Cole Aldrich dhe Daequan Cook e Lazar Hayward.

Sezoni i ri i NBA-së starton në orët e para të së mërkurës sipas kohës tonë.

Rezultatet dhe renditjet

NFL

Denver – New Orleans 34-14

Dallas – New York Giants 24-29

Kansas City – Oakland 16-26

Chicago – Carolina 23-22

Cleveland – San Diego 7-6

Detroit – Seattle 28-24

Green Bay – Jacksonville 24-15

Tennessee – Indianapolis 13-19 OT

St. Louis – New England 7-45

New York Jets – Miami 9-30

Philadelphia – Atlanta 17-30

Pittsburgh – Washington 27-12

MLB

Detroit – San Francisco 3-4 F/10 (0-4 në seri)

Eliminohen Yankees, LeBron tek Lakers?!

Kronikë amerikane nr.221 – 19 tetor 2012

MLB

Tigrat e Detroit kanë ‘pastruar’ Yankeet duke i mposhtur në serinë finale të Ligës Amerikane me rezultat 4-0. Ndeshja e fundit, mbrëmë në Detroit, u mbyll me rezultat të thellë, 8-1 për vendasit. Miguel Cabrera, Jhonny Peralta e Austin Jackson shënuan home-run për vendasit, derisa Max Scherzer ishte i mahnitshëm në hedhje duke larguar 10 veta me strikeout dhe lejoi vetëm 1 pikë për 5.2 ining. Yankees nisën ndeshjen pa Alex Rodriguez dhe Curtis Granderson të cilët u inkuadruan si goditës rezervë më vonë por nuk arritën të ndryshojnë rezultatin. Hedhësi CC Sabathia, shpresa më e madhe për mbijetesë e mysafirëve duroi për vetëm 3.2 ining në lojë duke lejuar 11 goditje 6 pikë dhe 2 home-run.

Është një eliminim dëshpërues për njërën nga organizatat sportive më të pasura në botë, e edhe më të rëndë këtë gjendje e bën forma e dobët e yjeve kryesore të skuadrës si Rodriguez, Cano, e Granderson gjatë finaleve të sezonit. Rodrigues ka edhe 5 vite kontratë ku pritet të përfitojë më shumë se 125 milionë dollarë, por së fundmi qarkullojnë zëra për një transferim të tij tek Miami Marlins.

Kundërshtari i Detroit mund të mësohet qysh sonte. Cardinals tani udhëheqin ndaj Giants me rezultat 3-1 në ndeshje pas fitores me të njëjtin rezultat mbrëmë në St. Louis, 8-1. Matt Holliday, Yadier Molina e Jason Jay shënuan nga 2 RBI derisa Kozma dhe Craig kontribuan edhe me 1 RBI për të vulosur humbjen e mysafirëve nga San Franciscos të cilët patën vështirësi të godasin topat e hedhur nga Adam Wainwright. Wainwright kaloi 7.0 ining në hedhje duke lejuar vetëm 1 pikë, dhe atë homerin e vetëm në ndeshje të Hunter Pence. Ai gjithashtu largoi 5 veta me strikeout derisa lejoi katër goditje të Giants.

Tek kampionët e parafundit, Tim Lincecum po kalon sezonin më të dobët si startues në pesë vitet e fundit. Ai për 4.2 ining lejoi 6 goditje dhe 4 pikë derisa pati nga 3 strikeout dhe ecje. Kontos dhe Mota lejuan edhe nga dy pikë tjera për të rrezikuar eliminimin në ndeshjen e gjashtë kur do të hedhin Barry Zitto dhe Lance Lynn.

NFL

Frank Gore depërtoi për 131 jard duke riaktivizuar armën kryesore të 49ers në fitoren mjaft të ngushtë ndaj Seattle Seahawks, 13-6. Alex Smith hodhi për 1 TD, të vetmin në ndeshje, dhe pati 1 interceptim në 140 jard, derisa hiq më i suksesshëm nuk ishte as kuarterbeku mysafir, Russell Wilson i cili arriti të realizoj vetëm 9 pasime nga 23 tentime për 122 jard dhe 1 intercepim. Smith ishte pak më i suksesshëm ku nga po aq tentime pati 14 pasime të kompletuara.

Ndeshja u karakterizua nga dy mbrojtje të fuqishme dhe sulm me anë të depërtimeve. Mysafirët patën 4 grabitje derisa vendasit plotë 9 sosh. Marshawn Lynch depërtoi 19 herë për 103 jard tek mysafirët derisa pos Gore me 131 jard, vendasit përdorën edhe Kendall Hunter i cili depërtoi 9 herë për 31 jard. Gore ishte më i miri edhe në pranim tek vendasit me 51 jard derisa TD i vetëm u pranua nga Delanie Walker kah fundi i çerekut të tretë. Tek mysafirët në pranim u veçua Ben Obomanu me 50 jard derisa Sidney Rice pati 32 jard në vetëm 2 topa të pranuar.

NBA

Disa thashetheme që janë shfaqur mbrëmë kanë bërë bum në mediat amerikane dhe ato ndërkombëtare. Sipas analistëve të ESPN, Lakersat, të cilët kanë bërë një mori blerjesh të mëdha këtë verë me Steve Nash dhe Dwight Howard, përgatiten të sjellin basketbollistin më të mirë në botë për momentin, LeBron James.

James ka një klauzolë që e lejon të largohet nga Miami pas këtij sezoni, derisa shihet si zëvendësuesi perfekt i Kobe Bryant, për të cilin dyshohet se do të pensionohet pas dy sezoneve, në vitin 2014.

Të gjitha këto për momentin janë vetëm supozime të analistëve, megjithatë një argument i fortë që mbron këto thashetheme janë kapakët e pagave, sidomos ai i Heat, i cili nuk mund të ‘duroj’ edhe një kontratë të re të treshes Bosh-James-Wade, dhe njëri nga ta do të largohet nga skuadra pas skadimit të kontratave aktuale, pos nëse Pat Riley arrin të bëj ndonjë mrekulli me ‘kapakun e kontratave’.

Rezultatet dhe renditjet

MLB

Detroit – NY Yankees 8-1 (4-0 në seri)

St. Louis – San Francisco 8-1 (3-1 në seri)

NFL

San Francisco – Seattle 13-6

Yankees para eliminimit! - Kronikë amerikane nr.220

Kronikë amerikane nr.220 – 17 tetor 2012

MLB

Justin Verlander është fenomenal këtë fund të sezonit. Ai nuk lejoi asnjë pikë për 23 ining radhazi duke iu afruar rekordit 108 vjeçar prej 27 iningëve (3 lojë) pa asnjë pikë të lejuar, e gjithashtu ishte afër të bëhej vetëm hedhësi i dytë në 24 vitet e fundit që nuk lejon pikë në dy lojë radhazi.

Verlander hodhi për 8.1 ining duke larguar me strikeout 3 veta dhe lejoi po aq goditje, përfshirë edhe home-run të Nunez në iningun e fundit. U nevojit ndihma e Phil Coke për të mbyllur ndeshjen dhe lënë nëpër baza tre Yankees kur Ibanez u largua me strikeout. Ibanez kishte qenë ai që kishte mposhtur Orioles në rrethin e kaluar me dy home-run në fund të ndeshjes si dhe kishte barazuar rezultatin në ndeshjen e parë finale të ALCS.

Delmon Young shënoi homerin e shtatë në fundsezonë, të dytin këtë seri finale derisa Cabrera i mundësoi Berryt të shënoj pas një baze të vjedhur.

Yankees luajtën pa Alex Rodriguez dderisa Robinson Cano pati një goditje. Të dy po vuajnë në goditje në fund të këtij sezoni. Kjo i mundësoi Brett Gardner të kthehet në fushë pas disa muajve pushim, pa ndonjë goditje.

Ndeshja e katërt zhvillohet sonte në ora 2 pas mesnate sipas kohës tonë. Me fitore eventuale Tigrat do të shkonin në finalen e World Series. Në ora 22 sonte zhvillohet ndeshja ndërmjet St. Louis dhe San Franciscos. Në Detroit do të ndeshen CC Sabathia për Yankees dhe Max Scherzer për Tigers. Më herët do të hedhin Matt Cain për Giants dhe Kyle Lohse për Cardinals.

Të dy ndeshjet transmetohen në ESPN America.

Rezultatet dhe renditjet

MLB

Detroit – NY Yankees 2-1 (3-0 në seri)

Pejtoni i magjishëm!

Kronikë amerikane nr.219 – 16 tetor 2012

NFL

Peyton Manning shfaqi atë që ndoshta mund të konsiderohet njëra nga ndeshjet më të mira në karrierën e tij. Ish-kampioni dhe katër herë MVP i ligës shkoi në pushim me Broncos me një disavantazh prej 0-24. Rezultati përfundimtar ishte 35-24 për Broncs të cilët i shkaktuar Chargers-ave njërin prej debakleve më të mëdha në histori të skuadrës.

Manning mbylli ndeshjen me 309 jard dhe 3 touchdown, derisa veç në pjesën e dytë pati 167 jard duke kompletuar 13 pasime në 14 tentime. Decker pranoi 98 jard dhe 1 TD derisa Willis McGahee depërtoi për 56 jard. Kontribut jashtëzakonisht të madh pati edhe mbrojtja e cila ktheu dy touchdown, duke i shkaktuar një mbrëmje ‘ferri’ kuarterbekut vendas, Phillip Rivers.

Rivers pati 242 jard dhe 2 touchdown. Këto janë statistikat pozitive. Rivers pati 4 interceptime (rekord karrierë) dhe 2 fumble, në total 6 gabime (përsëri rekord karriere). Në pranim Antonio Gates pati 81 jard dhe 2 TD derisa Ryan Mathews depërtoi për 74 jard.

Ndeshje si kjo po e bëjnë futbollin e të hënave më interesant se kurrë. Java e shtatë nis të enjten në mbrëmje me ndeshjen ndërmjet San Franciscos dhe Seattle.

MLB

Njëshja e Marco Scutaros në iningun e katërt shënoi tre pikë për Giants të cilët kaluan në epërsi prej 5-1, praktikisht duke mbyllur dilemën e fituesit në ndeshjen e dytë finale të NLCS. Megjithatë Scutaro u largua nga fusha në iningun vijues pas startit të Matt Holliday gjatë tentimit për të arritur në bazën e dytë. Holliday goditi Scutaron duke lënduar ijën e djathtë të tij. Akoma nuk dihet nëse Scutaro do të jetë në dispozicion për ndeshjen e tretë finale. Pagan kishte kaluar vendasit në epërsi në iningun e parë falë homerit, derisa njëshja e Theriot në iningun e tetë kishte fundosur edhe më shumë kampionët aktual duke ngritur rezultatin në 7-1. Pika e vetme e Cardinals erdhi falë dyshes së Carpenter i cili i mundësoi Kozmas të shënoj.

Sonte zhvillohet ndeshja e tretë e finaleve të Ligës Amerikane, ALCS ku në Detroit, Tigers presin Yankees e Nju Jorkut.

Rezultatet dhe renditjet

NFL

San Diego – Denver 24-35

Renditja

Konferenca Kombëtare

Lindja

NY Giants 4-2

Philadelphia 3-3

Washington 3-3

Dallas 2-3

Veriu

Chicago 4-1

Minnesota 4-2

Green Bay 3-3

Detroit 2-3

Jugu

Atlanta 6-0

Tampa Bay 2-3

Carolina 1-4

New Orleans 1-4

Perëndimi

Arizona 4-2

Seattle 4-2

San Francisco 4-2

St. Louis 3-3

Konferenca Amerikane

Lindja

New England 3-3

NY Jets 3-3

Buffalo 3-3

Miami 3-3

Veriu

Baltimore 5-1

Cincinnati 3-3

Pittsburgh 2-3

Cleveland 1-5

Jugu

Houston 5-1

Indianapolis 2-3

Tennessee 2-4

Jacksonville 1-4

Perëndimi

Denver 3-3

San Diego 3-3

Oakland 1-4

Kansas City 1-5

MLB

San Francisco – St. Louis 4-6 (1-1 në seri)

Hakmerret Baltimore!

Kronikë amerikane nr.217 – 24 shtator 2012

Hakmerret Baltimore!

Torrey Smith (Ravens)

NFL

Baltimore Ravens iu hakmorën Patriotëve për humbjen në finalen e konferencës AFC vitin e kaluar. Ishte goli i fillestarit Justin Tucker në fund të ndeshjes që siguroi fitoren 31-30, derisa Torrey Smith, i cili vinte në ndeshje pas vdekjes së të vëllait për të cilin u mbajt edhe një minutë heshtje kishte shënuar touchdownin që kishte ngushtuar epërsinë e Patriots në 30-28. Smith mbylli ndeshjen me 127 jard dhe 2 TD, derisa Ray Rice kishte depërtuar për 101 jard dhe 1 TD. Flacco pati 3TD dhe 382 jard për vendasit, derisa Brady u ndal në 335 jard dhe vetëm 1 TD.

Nuk ka fund për vuajtjet e Saints. Kampionët e vitit 2009 pësuan humbjen e tretë këtë sezon dhe javën tjetër udhëtojnë për tek Green Bay. Kësaj radhe New Orleans pësuan si vendas nga Kansas City Chiefs që shënuan fitoren e parë këtë sezon në vazhdime. Matt Cassel pasoi për 248 jard, por ai që shkëlqeu ishte Jamaal Charles që depërtoi për shifrën e mahnitshme prej 248 jard dhe pati 1 touchdown. Në anëntjetër Brees pati 3 TD dhe 240 jard duke pasur një natë shumë më të mirë se Matt Cassel.

Humbje pësuan edhe njëra ndër skuadrat më të mira në ligë, 49ers. Ata u mposhtën nga Minnesota 24-13 në një pasdite të shkëlqyeshme për kuarterbekun vendas Christian Ponder. Ai pati 198 jard të hedhur, 2 TD të hedhur dhe 1 në depërtim me 33 jard. Peterson mbylli ndeshjen me 86 jard derisa Kyle Rudolph pati 36 jard dhe 2 TD të pranuar. Smith pati 204 jard, derisa edhe pranimi (Manningham 56 jard) edhe depërtimi (Gore 63 jard) ishin nën nivel tek San Francisco.

Ndeshje e mrekullueshme e që pati nevojë për vazhdime për të përcaktuar fituesin u zhvillua në Tennessee. Titanët mposhtën Luanët me rezultat 44-41 pas golit të shënuar nga Ron Bironas. Tennessee pati epërsi prej 20-9 pas pjesës së parë të lojës, epërsi të cilën e humbën falë 18 pikëve rresht të Detroit. Megjithatë ata u rikthyen për të shënuar 21 pikë rresht pas rikthimit të dytë të Detroit për 14 pikët e fundit brenda 18 sekondave të fundit të kohës së rregullt, që është hera e parë për një skuadër që arrin këtë që nga viti 1983. Rekord shënuan edhe Titans të cilët u bënë skuadra e parë që shënoi 5 TD më të gjatë se 60 jard brenda një ndeshjeje. Stafford pati 1 TD dhe 278 jard para se të zëvendësohet nga Shaun Hill që mbylli ndeshjen me 172 jard dhe 2 TD si dhe gabimin e fundit në 4&1 në kohën shtesë. Jake Locker pati 378 jard dhe 2 TD tek vednasit, tek të cilët Nate Washington pati 112 jard në pranim me 1 TD. Calvin Johnson pati 164 jard dhe 1 TD tek mysafirët. Në përgjithësi ishte një ndeshje e ‘çmendur’ të dielën mbrëma në LP Field në Nashville.

MLB

Athletics ndalën serinë e Yankees prej shtatë fitoreve duke shmangur ‘fshirjen’ derisa Jerry Blevins shënoi fitoren e pestë, në ndeshjen që përfundoi 5-4. Pennington shënoi home-run në pjesën e dytë, për së shënuar edhe RBI e fundit në ndeshjen në iningun e pestë derisa Caspedes kishte barazuar rezultatin një pjesë më herët. Swisher shënoi home-run tek vendasit derisa Hiroki Kuroda pësoi humbjen e 11të këtë sezon.

Serinë e fitoreve të Orioles e ndërprenë Red Sox. Baltimore kishte arritur në serinë prej gjashtë fitoreve  derisa Boston shënoi fitoren e parë pas katër humbjeve. Dyshja e Ross në pjesën e tetë futi në bazë Pedroian për rezultatin përfundimtar 2-1, rezultat i cili vazhdon ti mbaj Orioles vetëm 1 ndeshje larg kreut dhe akoma në pozitën për përfundimtare.

White Sox pësuan nga Angels 4-1 në Los Anxhelos në fitoren e 19të të Jered Weaver. Hedhësi i Angels pati 6.1 pjesë të hedhura me 4 strikeout dhe vetëm 1 pikë të lejuar. Në të njëjtën pjesë, vendasit shënuan katër pikë falë dyshes së Pujols dhe homerit të Morales.

Rezultatet dhe renditjet

NFL

Baltimore – New England             31-30

Denver – Houston                           25-31

Oakland – Pittsburgh                      34-31

Arizona – Philadelphia                   27-6

San Diego – Atlanta                         3-27

Chicago – St. Louis                           23-6

Cleveland – Buffalo                         14-24

Dallas – Tampa Bay                          16-10

Tennessee – Detroit                       44-41 OT

Miami – New York Jets                  20-23 OT

Minnesota – San Francisco          24-13

New Orleans – Kansas City          24-27 OT

Washington – Cincinnati               31-38

Carolina – New York Giants         7-36

MLB

NY Yankees – Oakland                   4-5

Detroit – Minnesota                       4-10

NY Mets – Miami                             3-2

Boston – Baltimore                         2-1

Washington – Milwaukee            2-6

Philadelphia – Atlanta                    1-2

Tampa Bay – Toronto                     3-0

Houston – Pittsburgh                     1-8

Kansas City – Cleveland                 4-15

Chicago Cubs – St. Louis                                3-6

Colorado – Arizona                          7-10

LA Angels – Chicago White Sox  4-1

San Francisco – San Diego            4-6

Seattle – Texas                                 2-3

Detroit – Minnesota                       1-2 F/10

Cincinnati – LA Dodgers                 3-5

Renditja për Wild Card

American League

Baltimore                            87-65    

Oakland                               86-66

LA Angels                            84-69     2.5 lojë mbrapa

Tampa Bay                          83-70     3.5

Detroit                                  80-72     6

National League

Atlanta                                 88-65

St. Louis                               82-71

Milwaukee                         79-73     2.5 lojë mbrapa

LA Dodgers                         79-74     3

Arizona                                 77-75     4.5

Philadelphia                       77-76     5

Pittsburgh                           75-77     6.5