Kronikë
amerikane nr.269 – 4 shtator 2014
Ka qenë kohë e gjatë
që nga 1 shkurti i 2013tës që ‘Kronikë Amerikane’ ka pushuar. Për të përmbledhur
të gjitha ato që kanë ndodhur do të ishte e pamundur, por Seahawks fituan NFL,
Red Sox bën të pabesueshmen, derisa mbreti është kthyer në Cleveland.
Tani e tutje do të
vazhdojmë me të vjetrën, përmbledhjen ditore të ngjarjeve më interesante në
sportet amerikane.
NFL
Më në fund është koha për kthimin e NFL. Fansat
e këtij sporti jo shumë të popullarizuar tek ne, e dinë që sfida e parë e
sezonit të rregullt ndërmjet Seattle dhe Green Bay do të vë përballë një
mbrojtje të shkëlqyeshme të vendasve të cilët dëshmuan superioritetin e tyre në
finalen e SuperBowl të kaluar.
Herën e fundit kur Green Bay kishte udhëtuar në
Seattle, ndeshja kishte përfunduar me ‘Fail Mary’, që kishte qenë vendimi
kontrovers i gjyqtarëve zëvendësues, vendim që brenda ditëve rikthehu
profesionistët në fushë.
Kjo s’do të ndodh sonte, por një fitore e
Seattle nuk mohohet. Mbrojtja ka mbetur në takt, derisa Wilson në sulm pos Lync
pret të ketë edhe Percy Harvinin i cili humbi pjesën më të madhe të sezonit të
kaluar për shkak të lëndimit.
Në anën tjetër Rodgers shpreson të ketë kaluar
lëndimet që e mbajtën më shumë jashtë fushës se në të vitin e kaluar, e
gjithashtu edhe në linjën ofanzive më të suksesshme në mbrojtjen e tij. Herën e
fundit kundër Seahawks kishte pasur vetëm 223 jard, pa TD dhe tetë sacks.
Mbrojtja pritet të jetë më në nivel me kthimin
e Clay Matthews dhe shtimet e Julius Peppers dhe zgjedhjes së parë në draft, Ha
Ha Clinton-Dix.
Sidoqoftë, na pret një ndeshje e madhe dhe
besoj më e baraspeshuar se SuperBowli i fundit.
MLB
Janë dy skuadra që vlen të përmenden në MLB në
fillim të shtatorit, muajit më të rëndësishëm të ligës. Edhe A’s edhe Brewers
kanë udhëhequr divizionet e tyre për pjesën më të madhe të sezonit. Tani janë në
formën më të dobët të vitit, mu atëherë kur nevojitet të shfaqin përgatitjen për
finalet e tetorit.
Të dyjat kanë humbur udhëheqjen në divizionin
e tyre, derisa Brewers pas tetë humbjeve radhazi (11 nga 13 ndeshjet e fundit) rrezikojnë
edhe pozitën e Wild Card. Gabimi i Oakland ishte shitja e Cespedes dhe dështimi
i hedhësve me Hammel, dhe së fundmi dy performancat e pështira të Scott Kazmir.
Në anën tjetër Toronto, Seattle, e Cleveland
po provojnë të befasojnë Tigers në American League, me Atlantan dhe
Pittsburghun në National League për pozitat e Wild Card.
Gjatë fundjavës na presin duele interesante
dhe vendimtare duke nisur nga përballja e Brewers me Cardinals, Boston pret
Toronton, Yankees Kansas Cityn, derisa Oakland pret të marrë frymë më lirshëm
kundër Houston.
Rezultatet
dhe renditjet
MLB
Atlanta – Philadelphia 7-4
St. Louis – Pittsburgh 1-0
LA Dodgers – Washington 5-8 F/14
Colorado – San Francisco 9-2
Oakland – Seattle 1-2
NY Yankees – Boston 5-1
Baltimore – Cincinnati 6-0
Cleveland – Detroit 7-0
Miami – NY Mets 3-4
Tampa Bay – Toronto 4-7
Chicaco Cubs – Milwaukee 6-2
Kansas City – Texas 4-1
Minnesota – Chicago White Sox 11-4
Houston – LA Angels 4-1
San Diego – Arizona 1-6
No comments:
Post a Comment